Şähärneñ Salmiya bistäsendä 3 suğışçı, ber polisiä xezmätkäre häm ber sivil keşe bäreleşlärdä hälak buldı. Kuwait televideniäse xäbär itüençä, iminlek xezmäteneñ 4 wäkile cärähätlär alğan, şiklänelgän ber keşe qulğa alınğan. Atışlar polisiä häm maxsus iminlek köçläre berniçä binanı qamap alğaç başlanğan. Salmiya bistäsendä suğışçılarnı ezläw däwam itä. Bu ay başında terrorğa qatnaşı buluda şiklänelgän suğışçılar belän bäreleşlär bulğan ide inde.
