Accessibility links

якшәмбе, 4 декабрь 2016, Казан вакыты 05:02

Qazanda häwäskär kompozitorlar sanaq serlärenä töşenä


Tatarstan mädäniät ministrlığınıñ Xalıq icat üzäge yortında kompozitor Rif Ğataullin citäkçelegendäge häwäskär kompozitorlar berlege eşläp kilä. Ğinwar ayınıñ soñğı könendä bu berlek respublikanıñ törle rayonnarında häm şähärlärendä häwäskär cır icat belän şöğellänüçelärne kurslarğa cıydı. Bu kurslar Qazan däwlät mädäniät häm sänğat universitetınıñ belgeçlärneñ belemen kütärü bülegendä ütä. Kurslarğa kilgän häwäskär kompozitorlarğa professional'' kompozitor Rinat Yenikeev master- klass däresläre dä birä, häm bu kurslarğa kilgän häwäskär kompozitorlar tağın kemnärdän häm närsälärgä öyränäçäge turında kompozitor Rif Ğataullin söyli:

“Küp kenä häwäskär kompozitorlar üzläre genä,öydä, eştä şöğellänälär. Bez inde alarnı aralaştıru häm berniqädär professional'' belem birü maqsatınnan kursqa çaqırdıq. 15 häwäskär kompozitor kilde. Alar: Aznaqaydan, Çallıdan Sarmannan, Cälildän, Nurlattan, Çüpräledän, Yäşel Üzännän, Qazannan. Kurslarda Rinat Yenikeev, Mars Kaşipov, Färit Äxmätşin häm Rif Ğataullin däreslär ütkäräçäk.Kursqa kilgän häwäskär kompozitorlarğa, üzläreneñ yazğan äsärlären kampitrda cıyıp, eşkärtep birerlek däräcädä bulmasa da, berençe başlanğıç çaraların bez alarğa öyrätäbez.”

Mälikä Basıyr

XS
SM
MD
LG