Accessibility links

якшәмбе, 11 декабрь 2016, Казан вакыты 05:12

Fälestin prezidentı Mäxmüt Abbas Mäskäwdä Rawil Ğäynetdin belän oçraştı


Şuşı könnärdä Mäskäwgä räsmi säfär belän Fälestinneñ yaña saylanğan prezidentı Mäxmüt Abbas kilep kitte. Bik küp bulğan räsmi oçraşular programmasına Rusiäneñ möftilär şurasında oçraşu da kertelgän bulğan. Häm 31 könne Fälestin prezidentı Mäxmüt Abbas Rusiäneñ Yevropa öleşe dini idaräse , Rusiäneñ möftilär şurası räise Rawil xäzrät Ğaynetdin belän oçraştı. Aña qädär Mäxmüt Abbas Rusiä prezidentı Vladimir Putin. Tışqı eşlär ministrı Sergey Lawrov, Däwlät Duması räise Boris Grızlov, küp kenä başqa räsmilär belän, xattä patriarx belän dä oçraşular ütkärgän.

31 ğinwardä bulğan oçraşular xaqında Rawil Ğaynetdin, "bez duslarça, tuğannarça oçraştıq. Ul bezdä üzen bik irken tottı. Bez anı Prezident bulıp saylawı belän qotladıq, fälestin xalqına xezmätendä uñışlar telädek. Çönki ul bezgä doğaçılarına kilgän kebek kilgän" , dide. Çınlap ta Rusiä möselmannarı fälestin xalqına härwaqıt teläktäşlektä. Berniçä yıl inde Ramazan ayınıñ soñğı comğasın Äl Qotdus köne, yägni İerusalıym köne dip atıylar.

Söyläşü temaları älbättä islam dine xaqında bulğan. İslam dine terrorçılar dine tügellege xaqında ike yaq ta üz fikeren beldergän. Rawil Ğaynetdin üz çiratında Rusiä möselmannarına mönäsäbät, Rusiä möselmannarınıñ xäle xaqında beldergän.

Mäxmüt Abbas şulay uq Rusiä möselmannarınıñ başqa dinnär belän üzara mönäsäbäte dönyaküläm ürnäk bulırday. Sez bu xaqta başqa illärgä dä belderergä tieş dip, Rawil Ğaynetdinne räsmi säfär belän Fälestingä kilergä çaqırğan. Şul uq waqıtta Mäxmüt Abbas säfären möhim dip bäyälägän, bik känağat qalğanın beldergän..

Näzifä Kärimowa, Mäskäw
XS
SM
MD
LG