Accessibility links

чәршәмбе, 7 декабрь 2016, Казан вакыты 21:24

Gruziäneñ Gori şähärendä şartlawda 3 keşe hälak buldı


Gruziä başqalasınnan könbatışqa taba 80 çaqrımda urnaşqan Gori şähärendä polisiä binasında şartlaw buldı. Kimendä 3 keşe hälak bulğan, 15e yaralanğan. Eçke eşlär ministrlığınıñ matbuğat wäkile Guran Gonadze süzlärenä qarağanda şartlawda bina tulısınça diärlek cimerelgän. Gruziäneñ Gori şähärendä bulğan şartlawnıñ – terror ğamäle buluına dälillär bar. Eçke eşlär ministrı İvane Mirabişvili süzlärenä qarağanda, şartlağan VAZ 21011 maşinasında 80 -100 kilogramlıq trotil häm plastik bulğan. İminlek räsmiläre terrorğa Könyaq Ossetiäneñ qatnaşı buluı ixtimal dip sanıy. Gori şähäre Könyaq Ossetiädän ber niçä çaqrım ğına yıraqlıqta urnaşqan. Ämma Könyaq Ossetiä räsmiläre moña qatnaşı buluların kire qaqtı. Häm Könyaq Ossetiä köçläreneñ moña qadär ber qayçan da Gruziä cirendä höcümnär oyıştırğanı bulmadı.

XS
SM
MD
LG