Accessibility links

шимбә, 10 декабрь 2016, Казан вакыты 13:54

Al-Yawar: Yıl azağına xalıqara ğaskärlärne Ğiraqtan çığara başlaw mömkin bulaçaq


Ğiraqnıñ waqıtlı prezidentı Ğazi al-Yawar ağımdağı yılnıñ azağında Ğiraqtan xalıqara ğaskärlärne çığara başlaw mömkin bulır dip belderde: "İminlek köçläre häm Ğiraq ğaskärlären öyrätü aldan bilgelängänçä barsa, yıl azağında bez xalıqara köçlärneñ sanın kimetä başlıy alırbız dip uylıym. Alarnı tulısınça çığaru turında süz barmıy, ä sanın ğına kimetü, çönki alarnıñ da öylärenä qaytasıları kilä. Alarnıñ monda ozaq qalası kilmi. Bez dä alarnıñ ozaqqa qaluın telämibez," dide al-Yawar. 170 meñgä yaqın amerikan häm başqa illärneñ xärbiläre Ğiraqta cirle ğaskärlärneñ tulısınça wazifağa kereşüe häm köç qullanunıñ kimüenä qadär qalırğa tieş, dip östäde al-Yawar. Bügen Ğiraq prezidentı Bağdadta matbuğat oçraşuı uzdırdı. İldä köç qullanu oçraqları turında xäbär itelde. Bügen, saylawlar waqıtına yabılğan çik buyları häm Bağdad xalıqara hawa alanı açıldı.

XS
SM
MD
LG