Accessibility links

пәнҗешәмбе, 8 декабрь 2016, Казан вакыты 17:16

Yevropada İminlek häm Xezmättäşlek küzätüçeläre ğayepläwlärgä rizasızlıq belderde


Yevropada İminlek häm Xezmättäşlek Oyışması räise Dimitrij Rupel, Mäskäwdä Rusiä räsmiläre belän bulğan oçraşudan soñ oyışma küzätüçeläreneñ eşçänlegen yaqlap çığış yasadı. Rusiä tışqı eşlär ministrlığı, oyışma wäkilläre obyektiv tügel, bigräk tä elekke sovet respublikalarında saylawlarnı küzätkändä ğadel qaraşta tügel, dip beldergän ide. Yevropada İminlek häm Xezmättäşlek Şurası Ukrainada uzğan berençe tur, Yanukoviç ciñgän prezident saylawların täñqitkä tottı, ikençe turnı, könbatış yaqlı Yuçenko ciñgän tawış birüne xuplap çıqtı. Şulay uq oyışma belderüençä, Rusiädä uzğan prezident saylawları xalıqara däräcägä turı kilmäde. Ber ük waqıtta Sloveniä tışqı eşlär ministrı da bulğan Dimitrij Rupel, oyışmanıñ küzätü eşlärenä säyäsi mäs'älälär ber nindi dä yoğıntı yasamadı, dip belderde.

XS
SM
MD
LG