Accessibility links

шимбә, 10 декабрь 2016, Казан вакыты 00:16

Masxadov tuğannarınıñ urlanuın räsmi tikşerü başlandı, läkin näticä kötelmi


Çeçnädä ezsez yuğalu, keşe urlau inde yıllardan birle dävam itä. Çeçen köräşçeläreneñ citäkçese Aslan Masxadovnıñ tuğannarı da urlanğan. Çeçnäneñ baş prokuraturası, Masxadov ğailäsennän 8 keşeneñ ezsez yuğaluın tikşerä başlağan. Federal köçlär belän Çeçen köräşçeläre arasındağı suğış inde bişençe yıl dävam itä. Monnan iñ küp zian tınıç xalıqqa kilä. Tınıç xalıqtan küpme keşeneñ urlanğan, cäberlängän häm üterelgän buluı mäğlum tügel.

Çeçnäneñ baş prokurorı Vladimer Kravçenkonıñ belderüenä qarağanda, militsiä Masxadovlarnıñ urlanuın tikşerä. Alar Dikäber ayında urlanğan bulsalar da, bu xaqta räsmi räveştä yaña ğına belderelde. Alarnı kemneñ urlağan buluı bilgesez. Läkin, küplär, şul sanda keşe xoquqları aktivistları monıñ artında militisä häm ölkän räsmilär tora dip şiklänälär. Mäskävädge keşe xoquqları üzäge Memorialnıñ ağzası Dmitriy Gruşkinnıñ belderüenä qarağanda, üzäkneñ Masxadovnıñ tuğannarı xaqında tögäl mäğlümäte bulmasa da , bu eşneñ artında Ramzan Qadırov citäklägän militsiä cavaplı dip şiklänelä.

Audio

"Bezneñ mäğlümätlärgä kürä, keşe urlau vaqiğäläreneñ küpçelege öçen Ramzan Qadırov tarafınan kontrol itelgän cirle xakimiät strukturaları cavaplı."

Ramzan Qadırov uzğan yılnıñ mayında üterelgän elekke prezident Axmed Qadırovnıñ ulı. Küzätüçelärneñ fikerençä, Ramzan Qadırov iñ kimendä 4 meñ köräşçedän torğan köçlärne kontrol itä häm alarnıñ legal statutı bilgesez. Gruşkinnıñ fikeren Russiäneñ kontr-terror operatsiäseneñ regional başlığı Arkadi Yedelov quätläde. Ul NTV televideniäsenä birgän ängämäsendä ölkän räsmilär, qayber militsionerlar häm banditlarnıñ citäkçeläre keşe urlauda qatnaşalar dip belderde. Memorial üzägeneñ İnguşetiädäge väkile Usam Baysayev Masxadovlarnıñ urlanuı xaqında tögäl mäğlümäteneñ bulmaun beldersä dä, ul da bu äle dä yäşerenep yatqan Masxadovnı birelergä mäcbür itü öçen eşlängän politik akt dip ışana. Baysayev räsmi tikşerülärneñ mäsäläne açıqlauğa öleş kertäçägenä şiklänep qarıy.

Audio

"Alarnı qayber maqsätlär öçen qulda totalar. Memorial häm başqa oyışmalar bu xaqtağı mäğlümätlärne iğlan ittelär. Alar xatanı iqrar itmädelär häm soñğı çiktä cinayätne tikşerü eşen quzğattılar. Tikşerüneñ näticäse turında xıyalğa birelmäskä kiräk. Bu formal ber närsä genä."

Anıñ süzlärneçä, küpkenä Çeçennär urlanudan qurqa häm ber kem dä üzen imin xis itmi. Çeçnä qanunsızlıq häm keşe urlau zonasına äylängän.

Audio

"Bez Çeçnä qanunızlıq zonası dip söylibez ikän, anda iñ üzençälekle häm iñ taralğan cinayät ul keşe urlau. Bu här kön sayın bula."

Baysayevneñ belderüenä qarağanda, monıñ artında kemneñ toruın äytü qıyın, läkin, bu eş xärbi yük maşinalarında utırğan şäxeslär tarafınnan köndez eşlänä. Bu inde monda räsmilärneñ barmağı bulırğa tieşlegen işarä itä. Keşe urlaunı tuqtatu öçen berdän ber yul Mäskävgä basımnı arttıru , çönki anıñ respublikada täsire zur.

Audio

"Xalıqara cämağätçelek ber böten bularaq monı eşlärgä tieş. Ul Russiä xakimiätlärenä andıy vaqiğä bulğan sayın basım yasarğa tieş."

Könbatışnıñ keşe xoquqlarınıñ bozıluı turında endäşmäve Çeçnädä qanunsızlıqqa etärä. Endäşmävçänlek ğadi çeçennärdä yaqlausız, onıtılğan buluları xissen tudıra.

Färit İdelle, Praga.
XS
SM
MD
LG