Accessibility links

сишәмбе, 6 декабрь 2016, Казан вакыты 19:10

Xalıqara tuplı xokkey çempionatında Rusiä komandası ciñep bara


3 fevraldä Xalıqara bendi federatsiäse utırışı buldı häm anda älege oyışmanıñ citäkçese saylanırğa tieş ide. Ämma xalıqara tuplı xokkey federatsiäse wäkilläre yabıq işeklär artında söyläşülär uzdırıp, citäkçene saylawğa barıp citmägännär. Anıñ qarawı federatsiägä Qırğızstannı qabul itkännär. Tuplı xokkey federatsiä bu yılda üzeneñ 50 yıllığın bilgeläp ütä. Küptän tügel, Xalıqara olimpiä komitetı tuplı xokkey federatsiäsen tanığan. Al’bert Pomortsev bendy uyınınıñ Qışqı olimpiadada qatnaşu mömkinlelege turında belderä.

Bıyılğı xalıqara çempionatta Rusiä komandası ciñep bara. «A» törkemendä iñ küçlelär dip sanalğan Şvetsiä komandası 2 fevral uyınında Rusiälelärgä 5:3 isäbe belän ottırdı. Kazaxstan uyınçıları Amerika komandasın 17:1 isäbe belän ciñde. Finländiägä xokkeyçıları Norvegiä qapqasına 11 tup kertkän, a alar barı 3 kenä gol belän cawap birä alğan. «B» törkemendäge uyınnar da zur isäplär belän bara, çönki komandalarnıñ ostalıqları ber däräcädä tügel, häwäskä uyınçılarğa, professional komandalar belän yırışırğa awır. Mäsälän Estoniä häm Gollandiä uyınçıları arasında, sport belän mawığa torğan, ämma başqa hönär iäläre dä bar. 3 fevral çempionatta citdi uyınnar bulmadı, pänceşämbedä sportçılar şähär häm anıñ tiräsendäge tarixi urınnarnı, mäçetlärne, çirkäwlärne qarap yöri. Ä kiçen iptäşlärçä uyın iğlan itelgän. Ber yaqtan – törle çit il uyınçılarınnan torğan dönya cıyılma komandası bulsa, ikençe yaqtan, iptäşlärçä uyında Tatarstan xokkeyçıları üzlären kürsätäçäk. Anıñ näticäse 3 fevral kiçendä genä bilgele bula. 4-5 fevraldä – 4,5,6 urınnar öçen köräş baraçaq. Ä yäkşämbe könne – final uyını häm dönya çempionı isemen ataw belän bergä çempionatnıñ yabılu tantanası kötelä.

Xäzerge waqıtta Rusiä komandasınıñ ciñü ixtimallığı zur, dip äytä belgeçlär. Şul arada, Qazanda ğädäti xokkey yarışlarınıñ barışın da küzätep baralar. «Aq bars» komandası Ufada «Salawat Uyulaev» xokkeyçıların, awırlıq belän bulsa da ciñgän. Uyınnan soñ birelä torğan östämä waqıt öçendä «Aq Bars»lılar 3:3 bulğan xisapnı üzgärtep, tağın ber gol kertä aldılar. Ä aldağı uyınnı «Aq Bars» Qazanda, «Dinamo» komandası belän uynağan ide. Älege oçraşunı qararğa tuplı xokkey çempionatında qatnaşuçılar da bardı. Mäsälän Estoniä komandası wäkile, şul xätle NXL yoldızların ber yulı kürü bäxete öçen Xodayğa räxmätlären belderde.

Bikä Timerova.

XS
SM
MD
LG