Zurab Jvanaianıñ üleme turında xäbärdän soñ berniçä säğät ütügä Gruziä xökümäte, prezident Mixail Saakaşvili räislegendä ğädättän tış utırışqa cıyıldı. Bitennän töse kitkän Saakaşvili qaltıranğan tawış belän, Zvanianıñ ülemen Gruziä öçen zur yuğaltu dip atadı:
Audio (Mixail Saakaşvili)
"Bu bik zur yuğaltu, ilebez öçen dä, şäxsän minem öçen dä, häm prezident häm keşe bularaq, sezneñ öçen dä şulaydır. Gruziä bar ğömeren ilenä xezmät itügä bağışlağan patriotın yuğalttı. Min iñ yaqın dustımnı, ışanıçlı kiñäşçemne häm tarafdarımnı yuğalttım."
41 yäşlek Zurab Jvania 15 ay elek prezident Eduard Şevarnadzeğa almaşqa kilgän yäş komandanıñ töp äzğası ide. 2003neñ noyäberendä Şevarnadze çigengännän soñ ul yaña xakimiättä Saakaşvilidan soñ ikençe keşegä äylände. 2004neñ fivralendä Saakaşvili aña yaña buldırılğan premier-ministr urının täqdim itte. İqtisad häm xosusıylaştıru ölkäsendä kiñ wäkälätlär belän. İqtisad belän genä çiklänmiçä, Jvania Könyaq Osetiä häm Abxaziä konfliktların çişüdä dä qatnaştı. Uzğan cäydä Könyaq Osetiädä bulğan qorallı bäreleştän soñ ul respublika citäkçese Eduard Kokoytı belän söyläşülär başlata aldı. Könyaq Osetiä xökümäte Jvanianıñ üleme uñayınnan qayğı urtaqlaştı. Gruziä belän söyläşülärdä Könyaq Osetiäne wäkillek itkän Boris Çoçiev, Jvania Gruziä citäkçelegeneñ tınıçlıq yaqlı öleşen gäwdäländerä ide, dide.
Räsmi xäbärlärgä qarağanda Jvania pänceşämbegä qarşı töndä Kvemo-Kartli töbäge citäkçese urınbasarı Raul Yosupovnıñ Tbilisdağı fatirına kilgän. Berniçä säğät buyı telefonnan cawap birmägäç tän saqçıları işekne watıp kergän, häm anda ikeseneñ dä üle ğäwdäsen tapqan. Berençe tikşerü näticälärenä kürä alar sörem gazınnan ağulanıp ülgän. Bu gaz fatirdağı cılıtqıçtan çıqqan dielä. Räsmilär monı bäxetsez oçraq dip atıy.
Säbäpläre nindi genä bulmasın, belgeçlär fikerençä, Jvanianıñ üleme Gruziäneñ säyäsätenä zur yoğıntı yasarğa mömkin. Soñğı atnalarda Gruziä matbuğatı Javania belän saqlanu ministrı İrakli Okruaşvili arasında arta barğan qarşılıqlar turında yazdı. Ministrnıñ armiädä räşwätçelekkä qarşı başlağan kampaniäse şuşı köräşneñ ber öleşe itep kürsätelde. Süz uñayınnan, uzğan cäydä Gruziä xärbiläre Könyaq Osetiägä näq menä Okruaşvili citäkçelegendä kerde. Ul çaqta ul Eçke eşlär ministrı ide.
Äyterseñ, komandasındağı qarşılıqlarnı iskä alıp, Saakaşvili bügenge utırışta xökümät äğzaların berdäm bulırğa çaqırdı:
Audio (Mixail Saakaşvili)
"Şuşı awır waqıtta min barığıznı da nıqlı bulırğa çaqıram. Bu awır çorda Gruziägä, xalıqqa xezmät itüdän dä zurraq burıç bula almıy. Zurab Jvania moña bar ğömeren bağışladı, bu sezneñ dä wazifa. Niçek kenä awır bulmasın bez ilebezgä xezmät itüne däwam itergä tieş, tormışıbıznıñ här minutın, axırına qädär."
Kilgän xäbärlärgä qarağanda, Saakaşvili xökümät belän citäkçelek itüne waqıtlıça üz östenä alğan. Konstitutsiä nigezendä, yaña premier-ministrnı täqdim itü öçen anıñ 7 kön waqıtı bar.
-Ali Gilmi
Audio (Mixail Saakaşvili)
"Bu bik zur yuğaltu, ilebez öçen dä, şäxsän minem öçen dä, häm prezident häm keşe bularaq, sezneñ öçen dä şulaydır. Gruziä bar ğömeren ilenä xezmät itügä bağışlağan patriotın yuğalttı. Min iñ yaqın dustımnı, ışanıçlı kiñäşçemne häm tarafdarımnı yuğalttım."
41 yäşlek Zurab Jvania 15 ay elek prezident Eduard Şevarnadzeğa almaşqa kilgän yäş komandanıñ töp äzğası ide. 2003neñ noyäberendä Şevarnadze çigengännän soñ ul yaña xakimiättä Saakaşvilidan soñ ikençe keşegä äylände. 2004neñ fivralendä Saakaşvili aña yaña buldırılğan premier-ministr urının täqdim itte. İqtisad häm xosusıylaştıru ölkäsendä kiñ wäkälätlär belän. İqtisad belän genä çiklänmiçä, Jvania Könyaq Osetiä häm Abxaziä konfliktların çişüdä dä qatnaştı. Uzğan cäydä Könyaq Osetiädä bulğan qorallı bäreleştän soñ ul respublika citäkçese Eduard Kokoytı belän söyläşülär başlata aldı. Könyaq Osetiä xökümäte Jvanianıñ üleme uñayınnan qayğı urtaqlaştı. Gruziä belän söyläşülärdä Könyaq Osetiäne wäkillek itkän Boris Çoçiev, Jvania Gruziä citäkçelegeneñ tınıçlıq yaqlı öleşen gäwdäländerä ide, dide.
Räsmi xäbärlärgä qarağanda Jvania pänceşämbegä qarşı töndä Kvemo-Kartli töbäge citäkçese urınbasarı Raul Yosupovnıñ Tbilisdağı fatirına kilgän. Berniçä säğät buyı telefonnan cawap birmägäç tän saqçıları işekne watıp kergän, häm anda ikeseneñ dä üle ğäwdäsen tapqan. Berençe tikşerü näticälärenä kürä alar sörem gazınnan ağulanıp ülgän. Bu gaz fatirdağı cılıtqıçtan çıqqan dielä. Räsmilär monı bäxetsez oçraq dip atıy.
Säbäpläre nindi genä bulmasın, belgeçlär fikerençä, Jvanianıñ üleme Gruziäneñ säyäsätenä zur yoğıntı yasarğa mömkin. Soñğı atnalarda Gruziä matbuğatı Javania belän saqlanu ministrı İrakli Okruaşvili arasında arta barğan qarşılıqlar turında yazdı. Ministrnıñ armiädä räşwätçelekkä qarşı başlağan kampaniäse şuşı köräşneñ ber öleşe itep kürsätelde. Süz uñayınnan, uzğan cäydä Gruziä xärbiläre Könyaq Osetiägä näq menä Okruaşvili citäkçelegendä kerde. Ul çaqta ul Eçke eşlär ministrı ide.
Äyterseñ, komandasındağı qarşılıqlarnı iskä alıp, Saakaşvili bügenge utırışta xökümät äğzaların berdäm bulırğa çaqırdı:
Audio (Mixail Saakaşvili)
"Şuşı awır waqıtta min barığıznı da nıqlı bulırğa çaqıram. Bu awır çorda Gruziägä, xalıqqa xezmät itüdän dä zurraq burıç bula almıy. Zurab Jvania moña bar ğömeren bağışladı, bu sezneñ dä wazifa. Niçek kenä awır bulmasın bez ilebezgä xezmät itüne däwam itergä tieş, tormışıbıznıñ här minutın, axırına qädär."
Kilgän xäbärlärgä qarağanda, Saakaşvili xökümät belän citäkçelek itüne waqıtlıça üz östenä alğan. Konstitutsiä nigezendä, yaña premier-ministrnı täqdim itü öçen anıñ 7 kön waqıtı bar.
-Ali Gilmi