Accessibility links

җомга, 2 декабрь 2016, Казан вакыты 21:11

Kirkukta yaña ğaskärgä alınğan 12 Ğiraq xärbie atıp üterelde


Ğiraqtağı amerikan ğaskärläre mäğlümatlärenä qarağanda bügen sönnilär yäşägän al-Anbar provinsiäsendä maxsus köçlärneñ ike xärbie hälak bulğan. Bu töbäkkä Falluca häm Ramadi şähärläre kerä. Bağdadnıñ tönyağına taba urnaşqan Baquba şähärendä qorallanğan suğışçılar amerikan xärbi bazasında eşlägän ike ğiraqlını atıp ütergän. Bağdadnıñ könyağında 3 keşe bomba şartlap hälak buldı. Kiçä kiç ğısyançılar Kirkuk şähärendä ğaskärgä yaña çaqırılğan 12 Ğiraq xärbien atıp ütergän. 2sen – başqlarğa da amerikan köçlärenä xezmät itmäskä dip äytsen öçen isän qaldırğan. Bağdadta, saylaw komissiäse başlığı Abdel Hussein al-Hindawi, yäkşämbe saylawları näticäläre tizdän iğlan iteläçäk, dip belderde. Birelgän tawışlarnıñ ber million 600 meñe sanalğan. Tönyaqtağı Nineve provinsiäsendä qanun bozular açıqlandı, dide komissiä başlığı.

XS
SM
MD
LG