Accessibility links

якшәмбе, 11 декабрь 2016, Казан вакыты 09:03

İran häm Süriä AQŞ prezidentınıñ yıllıq çığışına rizasızlıq belderde


Kiçä AQŞ prezidentı George Bush'nıñ yıllıq möräcäğätendä İran häm Süriä turında äytkän süzlärenä bu illär rizasızlıq belderde. Bush, İrannı – dönyada terrornıñ ximayäçese dip atadı häm İrannıñ atom ambisiälärennän saq bulırğa çaqırdı: "Bügen İran – terrornıñ ximayäçese bulıp tora. Üz xalqın alar layıq bulğan ireklektän mäxrüm itep atom qoralı citeşterä. Bez Yevropadağı berektäşlär belän – İrannı uran bayıtu programmasınnan baş tartuı häm terrornı yaqlawın tuqtatuı mäs'äläsendä berlektä eş alıp barabız," dide Bush. İran tışqı eşlär ministrlığınıñ matbuğat wäkile Hamid Reza Asefi süzlärenä qarağanda, Bushnıñ ğayepläwläre nigezsez häm ul böten dönya aldında üzenä bulğan ışanıçnı yuğalttı. İrannıñ däwlät kanalı İRİB televideniäse Bushnıñ bu süzläre İran däwläte häm xalqın mısqıl itte, dip belderde. Süriä turında, Bush – bu il terrornı xuplıy häm terrorçılarğa sıyınu birä, dide. Tışqı eşlär ministrlığınıñ matbuğat wäkile Buşra Kanafani, Bushnıñ belderüe – yalğış mäğlümatkä nigezlängän, dide.

XS
SM
MD
LG