Sudan başqalası yanında Sudan yök oçqıçı cimerelep töşkän. Oçqıçta bulğan 6 Rusiä watandaşı häm alarnıñ Sudandağı tärcemäçeläre hälak bulğan. Oçqıç Berläşkän Ğaräp Ämirleklärennän kilgän bulğan. Hawa yulları räsmiläre süzlärenä qarağanda, häläkätneñ säbäbe – hawa alanına citergä yağulıq qalmağan buluı ixtimal.
Başqa xäbärlärgä kilgändä, Rusiä prezidentı Vladimir Putin bügen Rusiäneñ tınıçlıq saqlaw köçlären Sudanğa cibärü turındağı qağäzlärgä qul quyğan. Rusiä eçke eşlär ministrlığı xärbi köçlärennän çaqırtılaçaq älege ğaskärlär Berläşkän Millätlär Oyışması köçläre belän berlektä Darfur provinsiäsenä cibärelä. Sudannıñ Darfur provinsiäsendä bulğan köç qullanuda 70 meñgä yaqın keşe hälak buldı, million yarımnan artığı küçep kitergä mäcbür qaldı.
