Accessibility links

шимбә, 3 декабрь 2016, Казан вакыты 22:44

Rusiä Şamil Basayev belän äñgämäneñ Britaniä TVsında çığuına qarşı


Çeçnyanıñ Mäskäw yaqlı xökümäte – suğışçılar başlığı Aslan Masxadovnıñ – köç qullanunı tuqtatuı turında belderü yasağanın kire qaqtı. Xökümätneñ matbuğat wäkile, Çeçnya prezidentı Alu Alxanov süzlären kiterep, xäbärgä ışanırğa yaramıy, bu barı tik küz buyaw, dide. Çeçen suğışçılarınıñ internet säxifäse – kavkazcenter.com'da Masxadovnıñ 14 ğinwardan atışlarnı tuqtatu turındağı kileşügä qul quyuı turında belderü çıqtı. Kileşü 22 fivralgä qadär däwam itäçäk. Çeçen suğışçılarınıñ tağın ber citäkçese, Şamil Basayevnıñ süzläre bügen Londonda näşer itelgän The Times gazetında basılıp çıqtı. Anda ul – kiläçäktä Rusiä watandaşları barıber xädäf bulıp qalaçaq, digän. Anıñ belän äñgämä yazılğan tasmanıñ bügen Britaniäneñ bäysez 4nçe kanalında kürsäteläçägenä Rusiä rizasızlıq belderde. Tışqı eşlär ministrlığı möräcäğätendä – tsitat "bilgele terrorçı häm keşe üterüçe Şamil Basayev belän äñgämäne tapşıruğa" Rusiä tiskäre qaraş belderä, dielgän. Londondağı Rusiä ilçelege Britaniä xakimiätlärenä tasmanı kürsätüne tıyunı sorap möräcäğät itte.

XS
SM
MD
LG