Accessibility links

чәршәмбе, 7 декабрь 2016, Казан вакыты 21:37

Respublika Kurgan ölkäse wäkillegen qabul itä


Comğa könne Başqortstanğa Rusiäneñ Qurğan ölkäse wäkillege eş säfäre belän kilde. Älege wäkillekkä ölkäneñ räsmi citäkçeläre belän bergä Qurğan ölkäse başqort qorıltayı häm başqa milli oyışmalar äğzaları da kerä. Mäğlüm ki, Qurğan ölkäsendä küp kenä tatarlar belän başqortlar da yäşi. Alarnıñ milli oyışmaları soñğı yıllarda üz eşçänlegen şaqtıy aqtivlaştırdı. Tatarstan belän Başqortstan yağınnan da iğtibar häm matdi yärdämneñ artuı da moña etärgeç birgänder, möğayın.

Başqortstan belän Qurğan ölkäsen elek-elektän üzara tığız iqtisadıy häm mädäni xezmättäşlek cepläre bäyli. Sowetlar berlege yıllarında da ike arada bäyläneşlär nıqlı ide. Ä soñğı yıllarda üzara elemtälärne xökümätära Kileşülär belän dä nığıtqaç, ike yaqqa da fayda kiterüçe alış-bireş häm mädäni bağlanışlar bermä- ber arttı, bilgele.

Qurğan ölkäse wäkillegeneñ Ufağa älege kilüe dä änä şul tığız xezmättäşlekne tağın da cimeşleräk itü maqsatın küz aldında tota. Başqortstan xökümäte başlığı Rafael Baydäwlätov Qurğan ölkäsennän kilgän qunaqlarnı qabul itep söyläşülär alıp bardı. Soñınnan ike töbäk arasında xezmättäşlek turında xökümätära Kileşü qabul itelde. Aña Başqortstan yağınnan premer-ministr urınbasarı Xäläf İşmoratov, ä Qurğan tarafınnan ölkä ğubernatorı urınbasarı Aleksandr Mazein üz imzaların saldı.

XS
SM
MD
LG