Accessibility links

җомга, 9 декабрь 2016, Казан вакыты 14:36

AQŞ Däwlät Sekretare Condoleezza Rice Yevropa säfärenä çıqtı


AQŞ däwlät sekretare Condoleezza Rice, amerikan xökümäte İran belän eş itkändä diplomatik çaralar qullanu yağında, dip belderde. İranğa qarşı höcüm äzerlänäme digän sorawğa, Rice "köntärtibendä höcüm mäs'äläse yuq" dide. Bügen Rice Londonda Britaniä premyer-ministrı Tony Blair häm tışqı eşlär ministrı Jack Straw belän oçraştı. Amerikan däwlät sekretare, Quşma Ştatlar häm Britaniä İran'nıñ atom programması mäs'äläsendä berdäm fikerdä, dide: "İrannıñ atom qoralına iä bulu ixtimalı – totrıqsızlıq tudıra. İrannıñ kürşelärenä dä, xalıqara tınıçlıq häm iminlekkä dä totrıqsızlıq tudıra. Şunıñ öçen, minemçä, xalıqara cämäğätçelek, İranğa ul yuldan barırğa röxsät birelmäskä tieş, digän fiker tiräsendä berläşä," dide Rice. Condoleezza Rice şulay uq İzrael häm fälestinnärneñ kiläse atnada ütäçäk summit aldınnan – tınıçlıq urnaştıruğa taba adım yasawların xupladı. Londonda martnıñ berençe ike könendä ütäçäk fälestin cirlären reformalawğa bağışlanğan cıyında Rice üze dä qatnaşaçağın belderde.

XS
SM
MD
LG