Tubıl şähärendäge konsertnı qarağan 70 neñ tege yağına çıqqan äbekäy, tamaşa betep çığıp barğanda: “Qara äle, min bezneñ tatarlarda tıynaq qına çığıp basıp cırlıy torğan artistlar ğına bar dip tora idem. Baqsañ “Premyer-ministr” şikelle törkem dä bar ikän”,- dip äytkän. “Bu süzlärne işetkäç, çaq qına artıma utırmadım”,- di Tömändäge häm Toboldağı konsertlarnı oyıştırğan Färit Xäkim. Äbiyıñ “Premyer-ministr”nı da belä, “Qazan yegetläre” dä küñelenä xuş kilgän.
“Qazan yegetläre”neñ tönyäk şähärlärgä turnesı tögällände. Alar Tömännän çığıp kitep Yaña Urengoyğa qädär barıp cittelär. 1 nçe fevräl könne soñğı konsertları buldı. Konsertlarnıñ citäkçese Röstäm Särwarov süzlärençä, här şähärdä dä bik yaratıp qalğannar.
Marat, Artur, Azat, Wäli yağni «Qazan yegetläre” başqarğan “Kübälägemä” dä, “Miläwşä” gä dä, “Ex sez matur qızlarğa” häm başqa cırlarğa da tamaşaçı quşılıp cırlap utırdı. Ä “Tuğan tel” gä isä tamaşaçı bötendönyağa sibelgän tatarlarnıñ gimnı bularaq qabul itep, urınnarınnan torıp, ayaq ürä basıp quşıldı.
Nail Alan, Tömän
Nail Alan, Tömän
