Kiev. Ukrainanıñ kiläçäktä Yevropa Berlege belän elemtälären nığıtu turında söyläşülär öçen bügen Kievkä Fransiä tışqı eşlär ministrı Michel Barnier kilde. Viktor Yuçenko prezident itep saylanğannan birle Barnier Könbatışnıñ Ukrainağa kilgän berençe yuğarı däräcäle wäkile bulıp tora. Ul äle yaña ğına Ukrainanıñ tışqı eşlär ministrı itep bilgelägän Boris Tarasyuk belän oçraşa. Yaña xökümät Kievtä comğa könne genä raslandı, premyer-ministr itep raslanğan Yuliä Timoşenko, Ukrainanıñ Rusiä belän mönäsäbätlärgä zur iğtibar biräçägen äytsä dä, ilneñ yulı Yevropağa taba bara dip belderde.
