Änkara. Quşma Ştatlarnıñ däwlät sekretare Condoleezza Rice Törkiä citäkçelärenä, Washington Yaqın Könçığışta solıxqa ireşü mizgelennän faydalanıp qalırğa teli dip belderde. Bügen ul törek prezidentı Äxmät Necdet Sezer häm tışqı eşlär ministrı Ğabdulla Gül belän oçraştı, şimbädä isä Rice premyer-ministr Räcäp Erdoğan belän söyläşülär ütkärgän ide. Amerikan däwlät sekretare törek citäkçelärenä, Washingtonnıñ Ğiraq berböten häm berdäm bulırğa tieş digän fikeren citkerergä tırıştı. Räsmi Änkara, Ğiraqtağı kördlär üz däwläten qorıp, bu Törkiädäge kördlärne dä ruxlandırır dip qurqa. Bügen soñraq Rice Änkaradan İerusalimgä kilde, anda ul İzrail premyer-ministrı Ariel Şaron häm tışqı eşlär ministrı Silvan Şalom belän oçraşa. Amerikan däwlät sekretareneñ düşämbedä fälästin citäkçeläre belän dä küreşüe qaralğan.
