Accessibility links

шимбә, 10 декабрь 2016, Казан вакыты 08:03

Yewropa İranda atom qoralı buldırmaw öçen diplomtaiä iñ yaxşı yul dip isäpli


Yewropa berlegeneñ tışqı säyäsät häm iminlek mäs'äläläre öçen cawaplı ölkän wäkile Javier Solana Berlek İrannı atom qoralı yasawdan tuqtatu öçen diplomatiä iñ yaxşı yul bulıp qala dip isäpli dide. Brüssel'dä çığış yasap Solana Berlek Britaniä, Germaniä häm Fransiä qatnaşında İran belän söyläşülärne däwam itärgä teli dide.

AUDİO: Bez küpläp üterü qorallarınıñ taraluına, bigräk tä Yaqın Könçığışta atom qorallarınıñ taraluına yul quymaw maqsatına ireşü öçen xäzerge waqıtta diplomatiä iñ näticäle çara dip isäplibez.

Söyläşülärdä töp qıyınlıq İrannıñ barlıq uran bayıtu eşlären bilgesez waqıtqa tuqtatıp torırğa rizalaşmawı. Solana, Waşington Yewropa Berlege belän İran arasındağı söyläşülärdä qatnaşmasa da Berlekneñ bu eşen xuplıy dide. Uzğan atnada AQŞ däwlät sekretare Condoleezza Rice İranğa xärbi höcüm mäs'äläse älegä qaralmıy didp belderde. Kiçä Solana İranğa xärbi höcüm xata bulır ide dide.

XS
SM
MD
LG