Accessibility links

шимбә, 10 декабрь 2016, Казан вакыты 06:05

4 fevral'dä şaqır Rawil Buxaraev üzeneñ yaña ğına dönya kürgän ike kitabın täqdim itte


Kitapnıñ berse “Altın Urda” şiğriäte dip atala ikençe kitap “Wäxine sağınu” dip isemlängän. Rawil Buxaraev altın urda şiğriäten ni öçen tärcemä itüne añlatıp, bu minem küptänge xıyalım ide,Çönki bez bezneñ ädäbiätıbız meñ yıllıq dip maqtanırğa yaratabız, ä inde qayda soñ sezneñ ädäbiät dip sorağannarğa menä ul dip tottırırlıq tärcemälärebez yuq ide, xäzer inde menä ul kitap dide. Kitapqa Qotb. Säyfi Sarai, Xorezmi, Xisyäm Kyätib äsärläre kergän.. Ä inde ikençe kitap, “Wäxine sağınu” kitabı turında ayırım tuqtalasım kilä. Çönki oçraşu da şuşı kitap turında söyläwdän başlandı. Şunısın da äytergä kilgän, jurnalistlar yortına kitapnı tägdim itü oçraşuına xalıq bik küp kilgän ide. Rawil Buxaraevnıñ “Wäxine sağınu” kitabı turında, kitapqa kereş süz yazğan , Mäskäwneñ şärıq institutı professorı Anatoliy Xazanov çığış yasadı. Häm Rawil Buxaraevnı tarix belgeçe genä tügel, islam ğalime dip tä atadı. .Rawil Buxaraev üzeneñ çığışın İslam turında söyläwdän başladı. Dönya xäräkättäge mäğlümattan tora dide ul. Xäzer böten dönya islam belän qızıqsına, Amerikada da Angliädä dä islamğa bağışlanğan distälärçä kitap çığıp tora. Küpçelek kitaplar islamğa höcüm, anı qaraltırğa tırışu belän suğarılğan dide Rawil Buxaraev. Minem bu kitabım dide ul, Rusiädä islam dip atalğan kitabıma kereş süz bularaq yazılğan häm ul anı bu minem möqäddimä dip atadı. Yazuçığa islam xaqında törle sorawlar birdelär. Şularnıñ berse xaqında äytäsem kilä. Ul ğadi soraw ide, ni öçen möselman xatın-qızları yawlıq yabu xoquqı öçen şundıy ğawğa quptaralar dip soradı beräw. Moña qarşı Rawil Buxaraev, minem, qolaqlarına unar alqa taqqan, borın tişeklärenä bocra asqan, yarım-şärä yörep, böten gäwdäsenä räsem yasatqan keşelärne kürgänem bar. Alarğa berkem dä timi - bu alarnıñ xoquqı dip añlatalar. Ä menä yawlıq yabarğa telägännärneñ xoquqları bulmasqa tieşmeni? dip, sorawğa soraw belän cawap birde.

Şuşı uq kitaplarnı täqdim itü Qazanda, yazuçılarnıñ Tuqay klubında da ütäçäk. Ä inde 11 fevral'dä Ğaliäskär Qamal tetartı Rawil Buxaraev p'yesası buyınça eşlängän spektakl'neñ premyerasın kürsätäçäk. Soñğı 15 yılda Rawil Buxaraev 30 kitabın näşer itkän. Bu tikle eşkä qaydan waqıt tabasız digängä, Rawil Buxaraev, min irtänge namazğa toram, şunnan soñ inde yoqlamıym, eşlim. Bälki minem eşläremdä Allah üze yärdämçeder, dip cawap birde.

Yazmanı “Azatlıq” radiosı öçen Näzifä Kärimova äzerläde.

XS
SM
MD
LG