Gruziä premyer ministrı Zurab Jvanianıñ ülemen tikşerergä yardäm itü öçen Gruziägä Amerikanıñ FBİ Federal Tikşerülär İdaräse xezmätkärläre kilde.
Kiçä Gruziädäge AQŞ ilçese Richard Miles FBİ Gruziädä 3 politsiä xezmätkären ütergän maşinada bomba şartlatu oçrağın da tikşeräçäk dide.
Gruziä xökümäte äytüençä, Jvania tieşençä cillätelmägän bülmädä cılıtu miçennän çıqqan is gazınnan oçraqlı räweştä ülgän bulırğa mömkin.
Aña qädär 2 kön aldan separatist Könyaq Osetiägä yaqın ğına Gori şähärendä maşinağa quyılğan bomba şartladı. Xakimiätlär monı terror höcüme dip bäyäläde.
