Accessibility links

Кайнар хәбәр

TR Mädäniät ministrlığı kollegiäseneñ kiñäytelgän utırışı


9 fevral' könne Tatar däwlät filarmoniäseneñ Ğ.Tuqay isemendäge konsertlar zalında TR Mädäniät ministrlığı kollegiäseneñ kiñäytelgän utırışı uzdı. Kollegiä utırışında Tatarstannıñ Premyer -ministrı Röstäm Miñlexanov, urınbasarı Zilä Wälieva, Däwlät Sovetı deputatı Razil Wäliev häm respublikanıñ mädäniät ölkäsendä eş alıp baruçı citäkçelär, deputatlar, respublikanıñ rayon häm şähär xakimiäte urınbasarları häm mädäniät idäräläre citäkçeläre qatnaştı. Cıyılışta respublikanıñ mädäniät ministrı İldus Tarxanov 2004 yılda başqarılğan eşlärgä näticä yasap, 2005 yılda baralası töp mäs’älälärneñ yünäleşe turında belderde. Kollegiä utırışında Teatrlar berlegeneñ räise Rinat Tacetdinov, respublikanıñ suqırlar kitapxanäse direktorı Nail' Säfärğäliev, Alabuğadağı däwlät muzey-tıyulığı citäkçese Gölzada Rudenko üzläreneñ tarmaqlarında alıp barğan eşläre turında söyläde. Sarman rayonı mädäniät bülege mödire Rinat Şarafetdinov üz çığışında sişämbe könne 8 fevral'dä milli- mädäni üzäktä kollegiä aldınnan uzğan seminarda qaralğan mäs'älälär häm näticälär belän tanıştırdı. Ul awıldağı klublarnıñ, kitapxanälärneñ material'- texnik yağın yañartuda tabiği yağulıq belän, şulay uq awıllarnı “gazel'”avtomobil'läre belän tä'min itü kiräklege turında söyläde. “Respublikada 900 gä yaqın awıllarda bernindi klub häm kitapxanä yuq.Alarğa küçmä avtoklublar belän yärdäm kürsätelä. Rayonnardağı 100 gä yaqın avtoklublarnıñ 90% yaraqsız xäldä”, - dip äytte ul. TR Premyer -ministrı Röstäm Miñlexanov çığış yasawçılarnıñ kollegiädä beldergän mäsällärenä cawap birde . Üz çığışında ul “Mädäniät ölkäsendä dä tüläwle xezmät kürsätüdä, aqça eşlärgä öyränergä kiräk. Ber yaqtan belemle menedjerlarnı cälep itsäk, ikençe yaqtan keçe biznesnı kiñäytü öçen üzebezneñ belgeçlärne dä uqıtırğa , häm xäyriä oyışmaların da cälep itärgä kiräk, - dide” . Şulay uq Röstäm Miñlexanov 2005 yılda Ciñü bäyrämeneñ 60 yıllığın uzdıruda häm “Qazan şähäreneñ 1000 ğı- ul dönyawi waqiğa , şunıñ öçen bu bäyrämne uzdıruda bar oyışmalarda qatnaşırğa tieş, üzläreneñ öleşen kertergä tieş”,- dip tä belderde . Kollegiä utırışı tämamlanğannan soñ Premyer ministr urınbasarı Zilä Wälieva mädäniät tarmaqların finanslaw turında üzeneñ fikerlären äytte: “Finans mäs’älälärendä ul qädärle soranu, meskenlänü bulmadı. İñ küñellese şul , här çığış yasawçı üzläreneñ küpme eşlär eşlängäne turında söylädelär. Şul uq bina tözeleşeme, remont yasawmı. Kul'tura , mädäniät ölkäse bügen kiläçäk belän yäşi”, - dide ul. Utırışta 2004 yılda bar kürsätkeçlär buyınça alğa çıqqan Tübän Qama rayonı mädäniät idäräsenä küçmä bayraq , diplom häm 150 meñ sum aqça tapşırıldı. TR kompozitorlar berlege räise Räşit Kälimullinğa häm tağın berniçä mädäniät xezmätkärenä “ Xalıq artistı” ,“TR atqazanğan artistı” iseme häm mädäniät ölkäsendä fidaqär xezmät kürsätkännärgä “Maqtawlı iseme”häm 50 şär meñ aqçalata büläklär tapşırıldı. Azatlıq radiosı Mälikä Basıyr, Qazan.
XS
SM
MD
LG