Accessibility links

сишәмбе, 6 декабрь 2016, Казан вакыты 03:58

Yaqın Könçığış "dürtlege" 1 martta Londonda oçraşa


Yaqın Könçığışta yul kartası tınıçlıq planın yaqlawçı dürtlek – Berläşkän Millätlär Oyışması, Yevropa Berlege, Amerika Quşma Ştatları häm Rusiä – Londonda 1 mart könne oçraşırğa kileşte. Rusiä tışqı eşlär ministrı Sergei Lavrov, oçraşu – fälestin däwläten tözü eşenä bağışlanğan zur cıyın qısalarında oyıştırıla, dide. Ariel Şaronnıñ kiñäşçese, Raanan Gissen, İzrael premyer-ministrı häm fälestin xakimiäte citäkçese Mahmud Abbas arasında ikençe summit ber atna waqıt eçendä tağın ütergä mömkin, dip xäbär itte. Şaron häm Abbas sişämbe könne oçraşıp atışlarnı tuqtatu turında kileşte. Fälestin suğışçıları – moña qatnaşmawların belderä. Ramallağa qaytqaç, Abbas, İzrael Könbatış Yardağı 5 şähärdän ğaskärlären çığarırğa riza buldı, alar urınına töbäkkä fälestin iminlek köçläre kertelä, dip belderde.

XS
SM
MD
LG