Rusiädä keşe xoquqların yaqlaw ölkäsendä tanılğan belgeçlär, prezident Vladimir Putinnı çeçen suğışçıları yulbaşçısı Aslan Masxadovnıñ söyläşülär başlaw täqdimen qabul itergä çaqırdı.
Masxadov bu ayda köç qullanunı tuqtatırğa quşıuın häm söyläşülär başlarğa teläge turında beldergän ide. Masxadovnı xalıqara terrorçılar isemlegenä kertkän Kreml, bu täqdimgä ber nindi dä cawap qaytarmadı.
17 xoquq yaqlawçı tarafınnan imzalanğan açıq xatta, Masxadov, açıq räweştä radikal suğışçılar başlığı Şamil Basayevnı täñqitläwe belän, üzeneñ urta posiziä aluın dälilläde, dielä. Xatta şulay uq , Masxadov belän söyläşülär başlaw – Çeçnyanıñ "radikal islam belän könbatış sivilizasiäse arasındağı qarşı toru frontına" äylänüen buldırmas öçen berdän ber yul bula ala, dielgän.
