Accessibility links

шимбә, 10 декабрь 2016, Казан вакыты 19:38

Rice: İran belän söyläşülärdä waqıt çikläwläre quyılmıy


AQŞ däwlät sekretare Condoleezza Rice, İran Yevropa illäre täqdim itkän kileşüne qabul itmäsä, bu eşneñ Berläşkän Millätlär Oyışması İminlek Şurasına tapşırılaçağın belderde. İrannıñ atom programması tiräsendäge kierenkelekne çişü – ber nindi dä waqıt qısalarına quyılmıy, dide Rice. "İran xalıqara kileşülär nigezendä eşçänlek alıp barırğa tieş. Bez ber nindi dä waqıt çikläwläre quymadıq. Yevropa diplomatları belän daimi elemtädä torabız, eşlär barışı, alğa kiteş turında beleşep torabız" dide Rice. Britaniä, Fransiä häm Germaniä sişämbe könne İrannıñ atom räsmiläre belän söyläşülärne yañarttı. Yevropanıñ älege 3 däwläte İrannı uran bayıtu programmasın tuqtatırğa ügetli. Bügen Condoleezza Rice Yevropada üzeneñ soñğı tuqtalışın Brüsseldä yasadı. Anda ul NATO häm Yevropa Berlege räsmiläre belän orçaştı.

XS
SM
MD
LG