Accessibility links

Кайнар хәбәр

Taşlamalarnı beterü awılğa faydağa kitte


Taşlamalarnı beterü turında süz çıqqanda xalıqnı törle bolğançıq fikerlär borçıy başladı. Ayıruça awıl xalqı belän şähärdä yäşäwçelärneñ qaraşları ber-berse belän turı kilmi. Qalada yäşäwçelär transportta yörügä häm başqa taşlamalar beterelügä citäkçelärne tirgilär. Ä awılda, rayon cirendä yäşäwçelär kiresençä räxmätlären citkerälär. Ber qarağanda awıl xalqınıñ fikere dä döres sıman. Ğömeren kolxozda kötü kötep, sıyır sawıp, iske texnikanı çöyläp bulsa da tir tükkän ğadi xalıq dürtär, altışar aylar buyı, ä qayçağında yıllar däwamında eş xaqı ala almıy azaplandı.

Bıyılğısı yıldan däwlät citäkçeläre sotsial' ölkädä üzgäreşlär kertkännän soñ awıl xalqınıñ pensiäsen öyenä ük kiterep birüdän tış 200 sum östämä aqça da birä başladılar. Üzgärtülär kertkännän soñ awıl beraz şawlap alsa da, axırdan tınıçlanıp quydı. Xalıq qulına tere aqça kerä başladı häm alar aña räxmätle genä buldılar.

Rusiädäge soñğı yıllardağı sotsial reformalarnıñ awıl xalqına faydanı ällä ni kitergäne yuq ide. Xalıq äytmeşli kemgä närsä käcägä käbestä, şähär xalqı üze turında qayğırtıp uramnarğa çıqsa, awıl xalqı üz mänfäğätläre belän yäşi.

Röstäm İsxakov

XS
SM
MD
LG