Accessibility links

Кайнар хәбәр

Xac säfärenä barırğa teläwçelär arta


Ufadağı «İxlas» mäçetendä comğa könne zur cıyın bulıp ütte. Biregä şuşı mäçet imam-xatıybı Möxämmät xäzrät Ğallämneñ oyıştıru xästärlege belän Xac säfärenä barıp qaytqan 55 keşe kilgän ide. Bu oçraşuğa şulay uq Qazannan şuşı säfärne oyıştırunı üz östenä alğan «İdel xac» dip atalğan şirkät wäkilläre dä kilde. Söyläşüdä xacilar şuşı izge säfärdän alğan onıtılmaslıq täessoratları belän urtaqlaştı. Xacilar arasında bu yulı xatın- qızlar da yegermedän artıq bulğan. İzge säfärgä baruçılarnıñ yäşläre dä unsigezdän alıp siksängä qädär aralıqta. Qayber din qardäşlärebez Xac ğämälen ikençegä häm öçençegä dä qılğan ikän. Ä menä Ufada yäşäwçe siksän yäşenä citüçe Säğetcan abıy Xäsänov izge säfärdä berençegä bulğan häm şatlıq-quanıçları belän sabıylarça urtaqlaşa ul. (Xäsänov)

Sez Ufa şähärendä yäşäwçe Säğitcän xaci Xäsänovnı tıñladığız. «İxlas» mäçetendäge oçraşuda xacilar kiläçäktä izge säfärne tağın da kürkämräk häm caylıraq oyıştıru cähätennän üzläreneñ eşlekle häm faydalı täqdimnären häm kiñäşlären dä äytelär. Qazannan kilgän «İdel xac» şirkäte wäkilläre barlıq teläklärne dä iğtibar belän tıñladı häm alarnı üz eşlärendä qullanaçağın äytte. İmam-xatıyp Möxämmät xäzrät Ğalläm äytüençä, bu yılda «İxlas» mäçete aşa ğına da Xac säfärenä barırğa teläk belderep, bügennän ük inde 161 keşe möräcägät itkän.

Fänis Fätxi, Ufa.
XS
SM
MD
LG