Accessibility links

пәнҗешәмбе, 8 декабрь 2016, Казан вакыты 21:09

Kem ul Ukrainanıñ yaña Eçke Eşlär ministere Lutsenko?


Ukraina prezidentı Viktor Yuşenko 4-nçe fevraldä, parlament Yulia Tımoşenkonı premier itep raslağannan soñ, xökümäten iğlan itkändä iñ kötelmägän vaqiğä, anıñ eçke eşlär ministere itep Yuriy Lutsenkonı bilgeläve buldı. Lutsenko prezident Kuçmağa qarşı protest demonstratsiälären oyıştıruçı bularaq qına tanılğan şäxes.

Ukraina Eçke Eşlär ministerlege yaqınça 500 meñ xezmätkäre bulğan ere oyışma. Xäzer anıñ belän berençe bularaq ber sivil keşe citäkçelek itäçäk häm ul ğına da tügel- anıñ tärtip saqlau xezmäte belän moña çaqlı ber genä täcribäse dä yuq ide. Vazğiätne tağı da ber küreneş küberäk qatmarlandıra. Bu ministerlek ildä kiñ taralğan rişvätçelekkä qarşı köräşergä tieş , ä inde ul üze rişvät aluçı organ. Şul säbäple Lutsenko başta üzeneñ eş urnın rişvättän tazartırğa tieş bulaçaq häm bu üz xezmätkärläre arasında anıñ populärlegen üstermiäçäk. 41 yäşlek Lutsenko 2000-nçe häm 2001-nçe yıllarda Kuçmasız Ukraina şiğarı astında ütkärelgän protest demonstratsiäläreneñ citäkçese häm opozitsion säyäsmän bularaq tanılğan şäxes. Ul şulay uq 2004-nçe yılnıñ Noyäber häm Dikäber aylarında Kievneñ Bäysezlek Maydanındağı äfilsen revolutsiäseneñ töp oyıştıruçısı dip xisaplana. Yuşenko taraftarları anı Äfilsun revolutsiäseneñ qır komandirı dip tä yöretkännär ide, Qayberävlär anı Maydan dis jokeye dip tä atıylar. Cöhki ul demonstrantlarnıñ ruxın kütärgän mäzäkläre häm konsertlar oyıştıruı belän dä tanılğan ide. Anıñ şayaruı dikäberneñ 21-ndä, Yuşenko belän Yanukovic arasında qabatlanğan saylaulardan dürt kön elegeräk radiobıznıñ Ukraina redaksiäsenä birgän ängämsendä äytkännäre dä çağıldıra.

Audio

"Älbättä, bez prezident administratsiäse binasın häm şulay uq anıñ rezidensiäsen blogadalau belän Kuçmağa basım yasıybız. Ul rezidensiä urmanda häm bezneñ kontroldä . Bez Yanukeciç aña höcüm itär dip borçılabız, şul säbäple anı az ğına bula da saqlıybız."

Äfiulsun İnqilabı Lutsenkonı üzenä kürä xalıq qähärmanı itte. Läkin, küpçelek ukrain küzätüçeläre, ul açıq fikerle, belemle şäxes. Ul yä maqsätenä ireşäçäk buyrokrat yaki Eçke Eşlär ministerlegen idarä itü öçen kiräk bulğan nigezne üzläşteräçäk şäxes bulaçaq digän fikerdälär. Lutsenkonıñ Äfilsun iqnqilabı turındağı fikerläre dä üzençälekle . Ul bu xaqta radiobıznıñ Ukrain redaksiyäsenä birgän ängämäsendä bolay digän ide.

Audio

"Bäysezlek Maydanında ike taktika bar ide. Berse Yulia Tımoşenko häm başqa qayber şäxeslär yaqlağan taktika. Ul revoliutsion suqmaq. Xökümät idarälären basıp alasıñ, Yuşenkonı ciñüçe dip iğlan itäseñ häm revolutsion xökümät töziseñ. Min andıy taktikağa qarşı çıqtım häm evalutsion yulnı yaqladım. Ul da ciñügä alıp barğan taktika buldı. İñ möhime ul qan qoyuğa kitermäde häm Yuşenko äytmeşli ul kürkäm yul buldı."

Lutsenko eçle eşlär ministere itep bilgelängäç, eşke eşlär köçläreneñ komandirı häm eçke eşlär ministereneñ urınbasarı general Serhiy Popkovnı häm Uram xäräkäte bülege başlığı general mayor Hennadiy Heorhienkonı vazıyfalarınnan buşattı. Popkov protestlar vaqıtında Kievqa mäxsus büleklärne kiterä yazuda ğäyeplänä. Ä inde Heorhienkonı çitlätü uram xäräkäte militsiäsendä kiñ taralğan rişvätçelek belän bäyle dip uylanıla. Yuşenko yaña ministerneñ vazıyfası militsiäne rişvät almaslıq häm xalıqqa xezmät itärlek xälgä kiterü bulırğa tieş dip belderde. Ul sizelerlek näticälärgä ireşüe öçen aña ike aylıq möddät birde.

Färit İdelle, Praga.
XS
SM
MD
LG