Accessibility links

шимбә, 3 декабрь 2016, Казан вакыты 20:37

“Qazan utları“, “İdel” jurnalları häm “Watanım Tatarstan” gäziteneñ soñgı sannarına küzätü


Fevralneñ ikençe atnasında Tatarstan matbuğatın tatar xalqınıñ mäşhür cırçısı İlham Şakirovnıñ 70 yäşlek yübileena bağışlanğan yazmalar biläp aldı. Alar kübäygännän kübäyä bara. Mädäniät, sänğät turındağı yazmalar cır belän genä dä çiklänmi, bu atnada anda tatar kinosı turında da bäxäslär bara. Şundıy yazmalardan berse “Watanım Tatarstan” gäzitendä Zäki Zäynullin üzeneñ “İsä bolğar cilläre” häm “Zöläyxa ”dip atalğan yazmasında Rämil Töxvätullin rejisserlıq itkän “Zöläyxa” kinofilmın qarağannan soñ tuğan fikerläre belän urtaqlaşa. Audio Şulay uq bu atnada “Qazan utları”jurnalınıñ sez kötkän berençe sanı da uquçısına barıp ireşte. Häm anda “Bezneñ zaman geroe” säxifäsendä yazuçı, şağir, publitsist Aydar Xälim üzeneñ “Sez belämsez qaya barğannı?”, - dip isemlängän tänqidi yazması belän mäydan tota. Moña qädär jurnalda barğan bäxäskä qatnaşmıyça, anda ber yıl buyı basılğan yazmalarnı ğına tügel, ä “Qazan utları ”nıñ 20 yıllıq töplämäsen aqtarıp çıqqan yazuçı (üzeneñ isäbe buyınça ğına) anda 80 roman: 135 povest, 200 xikäyä, yözlägän şiğri şälkem, distälägän poemalar, istäleklär basılğan baylıq arasında “yözek qaşları” bik siräk oçrasa da, ni disäñ dä bezneñ baylıq bit,- dip ğorurlanıpmı, köyenepme, ul xäzerge tatar milläteneñ kiläçäk yazmışı turında uylana. Xäzer yazmadan özeklär tıñlıybız.

Audio

Yäşlär öçen basılğan “İdel” jurnalınıñ 1 sanında jurnalnıñ bülek mödire, yazuçı Rqail Zäydullanıñ “Zäydulla qalançası ” säxifäsendä urın alğan “İlät”isemle mäqäläse basılğan. Ul, Rusiä Prezidentı Vladimir Putinnıñ administrativ reformasına qänäğätsezlek belderep mitingqa çıqqan, çıqmağan Qazan, Tatarstan xalqınıñ “naselenie” ğına bulıp qaluı turındağı uylanuları, däwlätçelegen yuğaltqan alıqnıñ millät buludan tuqtawı turında. Mäqälädän özek:

Audio

Sez, Tatarstan matbuğatı közgese tapşıruın tıñladığız. Gäzitlärdäge, jurnallardağı yazmalardan özeklär belän Damir Älmätle tanıştırdı. Tapşırunı Mälikä Basıyr äzerläde.
XS
SM
MD
LG