Accessibility links

пәнҗешәмбе, 8 декабрь 2016, Казан вакыты 12:56

Tönyaq Korea çınlap ta atom qorallarına iäme?


İrannıñ atom programması turında ığı zığı barğanda Tönyaq Korea kiçä atom qoralına iä buluın häm xalıqara söyläşülärdän çigenüen beyan itte. Dönya tizlektä belderüne xökem itep räsmilärne diplomatik tırışlıqnı däwam itergä çaqırdı.Tönyaq Korea atom qoralına iäme yuqmı digän bilgesezlek borçılunı arttıra.

Çınlap ta Tönyaq Koreanıñ atom qoralı barmı? Pxenyang üzen saqlaw öçen atom qoralı eşläp çığarğan buluın iğlan itkännän soñ här kem bu sorawnı quya. Ämma bu sorawğa cawapnı T:Korea üze genä birä ala. AQŞ saqlanu ministrı D.Rumsfeld kiçä jurnalistlarğa belmim dip äytte

Rumsfeld(audio)

Qayber illärneñ küzläw oyışmaları T.Koreanıñ atom qoralına iä buluın belderä. T:Korea üze bar dip äytä, bälkim dä bardır.Min moñı ber niçek tä raslıy alamim, çönki min belmim.

Ütkändä AQŞ Pxenyang ber yäki ike andıy qoralğa iä digän ide.Ämma bu tasdıyqlanmadı.Kiçäge belderü dönyanı şaqqatırsa da, Pxenyang elek tä andıy qoralları bar dip işarä itkän ide . Ämma kiçäge kebek açıq belderü bulğanı yuq ide. Annan başqa Pxenyang altılı söyläşülärgä qatnaşmayaçağın beyan itte. İke Korea, Rusiä, Yaponiä häm Qıtay Pxenyannı aton qoralları programmasınnan wazkiçerergä tırışa. T.Korea tışqı eşlär ministırlığınıñ kiçäge belderüendä G.Bushnıñ Koreanı zolım nığıtması dip atauı da telgä alına häm şunlıqtan söyläşülärgä qatnaşu öçen säbäp yuq dielä. Xalıqara Atom Agentlığı süzçese Mark Gwozdecky Radiobıznıñ farsı bülegenä agetlıqnıñ tikşerüçeläre ike yıl T.Koreada bulğanı yuq ,bez belderüne raslıy almıybız dip äytkän

Gwozdesky (audio)

Bez alarnıñ uran madänenä iä buluın häm plutonnı ayıra alğanın beläbez.Annan başqa alar raketaları buluın da kürsätte.Bolarnıñ hämmäsen bergä quşqaç T.Korea bezneñ öçen zur borçılu bulıp tora.

Qayber analitiklar belderü bälkim dä buş süz , safsata di. T.Korea altılı söyläşülärdä pozitsiäsen yaxşırtu öçen genä şulay dip äytkän Alar T.Korea älegäçä atom qoralına sınau ütkärergä tieş ide , anıñ ütkärmäwe andıy qoralğa iä bulmawına işarä itä dip söyli .AQŞ Wisconsinda urnaşqan Atom Qoralın Kontrol Proyektı direktorı

Gary Mihollin (audio)

T.Koreanıñ atom qoralı bar, bezneñ belän söyläşergä telämi digän belderüe,minemçä bezneñ iqtibarnı cälep itü tırışlığı. Alar bezdän aqça alırğa tırışa, birmäsäk, älbättä bez alar tağı nişliäçäk dip borçılaçaqbız – alar bez telämägän keşelärgä misal öçen terrorçılarğa qoral sata ala. Bez älegä monıñ öçen borçılırğa tieş.

Niçek kenä bulmasın Pxenyangnıñ kiçäge belderüe böten Dönyada diärlek zur tınıçsızlıqqa säbäp buldı . xalıqara cämäğäötçelek Pxenyangnı söyläşülär östälenä qaytırğa çaqıra. Könyaq Korea ayruça borçılu belderde tışqı eşlär ministırı Ban Kİ-Moon Waşingtonnan ,bez T.Koreanıñ atom qoralına iä buluına çıdamlıq kürsätä almıybız.Anı atom programmasınnan wazkiçergä häm xalıqara inspeksiälärgä röxsät itergä çaqırdı .AQŞ däwlät departamentı süzçese Adam Ereli mäsälägä tınıç xäl çarası tabu bezneñ pozitsiä bulıp tora dip äytep altılı söyläşergä qaytırğa kiñäş itte. T.Koreanıñ berektäşe Qıtay anı söyläşülärgä qaytırğa öndäsä dä Pxenyang belderüe Peking öçen bigräk tä qıyın xäl bulıp tora. AQŞlarında qayber basmalar Bush administratsiäseneñ T.Koreanı xökem itü häm ber yk waqıtta anıñ belän küp yaqlı söyläşülär alıp baru strategiäsä iqtibar cälep itte . färidä xämit
XS
SM
MD
LG