Üzeneñ köndäşe - elekke premyer-ministr Yanukoviçneñ töp nığıtması sanalğan könçığışqa kilep prezident Viktor Yuçenko andağı cirle citäkçelärgä qırıs kisätü yasadı - yä sez ilne bülü niätennän waz kiçäsez, yä moña qarşı ayawsız köräş başlanaçaq. Prezident Donetskigä ölkäneñ yaña citäkçesen, Vadim Çuprunnı täqdim itär öçen kilgän ide, ämma ul küp kenä başqa eşlärne dä başqarırğa ölgerde. Nigezdä urıs telendä genä aralaşqan şuşı şähärdä Viktor Yuçenko, Ukrainanı bülgälärgä tırışqan säyäsätçelärne "çirle" dip bäyäläde häm alar üzläreneñ şuşı safsatasın taratuı öçen cawapqa tartılaçaq dip kisätte. Anda ul şulay uq, Ukrainanıñ şuşı könçığış töbäklärendä kiñ cäyelgän rişwätçelek, törle klannarğa bülenü häm nıq tamır cäygän külägä iqtisadı belän dä köräşäçägen belderde.
Audio, Viktor Yuçenko
"Minem rişwätkä batqan xakimiat küräsem kilmi. Min Donetski ölkäseneñ eçke eşlär idaräse başlığı itep quyu bäyäsen dä belergä telämim. Berkem dä xäzer bu aqçanı tülämäyäçäk. Biredä älegä töşenkelekkä birelgän berniçä million xalıqqa xezmät itüçe genä politsiä başlığı bulaçaq dip belderä Ukrainanıñ yaña prezidentı Viktor Yuçenko. Donetskidä näşer itelgän bäysez internet basması möxärrire Serhiy Harmaş süzlärenä qarağanda, könçığış ölkälärneñ citäkçeläre Yuçenkonıñ ul däräcädä qırıs çığış yasawın kötmägän bulğan.
Audio, Serhiy Harmaş
"Cirle elitanı bu tetränderde. Härkem diärlek prezident, säyäsätçe bularaq, Donetski belän kileşü ezlärgä kilde dip ömetlängän ide. Läkin bötenläy kiresençä kilep çıqtı - Yuçenko kileşü ezläw öçen tügel, ä üz şartların quyu öçen kilgän ide" di Serhiy Harmaş. Läkin bu qırıslıq Yuçenko öçen uñışlı bula ala dip isäpli ul. Prezident çığışın tıñlağannan soñ cirle citäkçelärneñ şaqtıyı, Kievkä üz taläplären quya almayaçağın añladı kebek di Harmaş. Oçraşu waqıtında Viktor Yuçenko Donetski ölkäsendäge qayber xosusilaştıru qararlarınıñ qanunilegen dä şik astına quydı häm, ägär dä andağı biznes klannarı bu mäs''älädä Kiev belän xezmättäşlek itmäsä, alar xäzerge qüwätennän dä, aqçalarınnan qorı qalaçaq dip kisätte. Ukrainanıñ yaña citäkçelege, ilne bülgäläw omtılışları artında näq menä şul klannarnıñ mänfäğäte tora dip isäpli. Yänä Serhiy Harmaş:
Audio, Serhiy Harmaş
"Yuçenko açıq itep, xätta turıdan-turı, törle ayırılu tırışlıqlarına qarşı qırıs çaralar küräçägen belderde. Häm ayırıluğa ğına tügel, Ukrainanı federatsiägä äyländerü omtılışlarına qarşı da. Moña qarşı qanuni çaralar küreläçäk. Şuña kürä berkem dä ayrılıu tırışlıqların ruxlandırmayaçaq" di Serhiy Harmaş, Donetskidä bäysez İnternet basmasın çığaruçı. Qayber küzätüçelär, Viktor Yuçenkonıñ şundıy qırıslığı anıñ köndäşe Yanukoviçne dä tınıçraq ton alıp yaña xakimiat belän xezmättäşlek itü xaqında söyli başlawğa etärde dip isäpli.
Kärim Kamal
Audio, Viktor Yuçenko
"Minem rişwätkä batqan xakimiat küräsem kilmi. Min Donetski ölkäseneñ eçke eşlär idaräse başlığı itep quyu bäyäsen dä belergä telämim. Berkem dä xäzer bu aqçanı tülämäyäçäk. Biredä älegä töşenkelekkä birelgän berniçä million xalıqqa xezmät itüçe genä politsiä başlığı bulaçaq dip belderä Ukrainanıñ yaña prezidentı Viktor Yuçenko. Donetskidä näşer itelgän bäysez internet basması möxärrire Serhiy Harmaş süzlärenä qarağanda, könçığış ölkälärneñ citäkçeläre Yuçenkonıñ ul däräcädä qırıs çığış yasawın kötmägän bulğan.
Audio, Serhiy Harmaş
"Cirle elitanı bu tetränderde. Härkem diärlek prezident, säyäsätçe bularaq, Donetski belän kileşü ezlärgä kilde dip ömetlängän ide. Läkin bötenläy kiresençä kilep çıqtı - Yuçenko kileşü ezläw öçen tügel, ä üz şartların quyu öçen kilgän ide" di Serhiy Harmaş. Läkin bu qırıslıq Yuçenko öçen uñışlı bula ala dip isäpli ul. Prezident çığışın tıñlağannan soñ cirle citäkçelärneñ şaqtıyı, Kievkä üz taläplären quya almayaçağın añladı kebek di Harmaş. Oçraşu waqıtında Viktor Yuçenko Donetski ölkäsendäge qayber xosusilaştıru qararlarınıñ qanunilegen dä şik astına quydı häm, ägär dä andağı biznes klannarı bu mäs''älädä Kiev belän xezmättäşlek itmäsä, alar xäzerge qüwätennän dä, aqçalarınnan qorı qalaçaq dip kisätte. Ukrainanıñ yaña citäkçelege, ilne bülgäläw omtılışları artında näq menä şul klannarnıñ mänfäğäte tora dip isäpli. Yänä Serhiy Harmaş:
Audio, Serhiy Harmaş
"Yuçenko açıq itep, xätta turıdan-turı, törle ayırılu tırışlıqlarına qarşı qırıs çaralar küräçägen belderde. Häm ayırıluğa ğına tügel, Ukrainanı federatsiägä äyländerü omtılışlarına qarşı da. Moña qarşı qanuni çaralar küreläçäk. Şuña kürä berkem dä ayrılıu tırışlıqların ruxlandırmayaçaq" di Serhiy Harmaş, Donetskidä bäysez İnternet basmasın çığaruçı. Qayber küzätüçelär, Viktor Yuçenkonıñ şundıy qırıslığı anıñ köndäşe Yanukoviçne dä tınıçraq ton alıp yaña xakimiat belän xezmättäşlek itü xaqında söyli başlawğa etärde dip isäpli.
Kärim Kamal