Accessibility links

шимбә, 10 декабрь 2016, Казан вакыты 00:23

Ğiraqta şiği mäçet yanında bulğan şartlaw näticäsendä 13 keşe häläq bulğan


Bügen Bağdadtan 75 çaqırım yıraqlıqtağı Balad Ruz qalasında ber şiği mäçet yanında bulğan şartlaw näticäsendä kimendä 13 keşe häläq buldı. Şahitlär äyütençä, şartlatqıç yäşelçä tutırılğan ber maşinağa quyılğan bulğan. Politsiä yaqınayuğa şartlaw yañğırağan. İrtä belän Bağdadnıñ ber ikmäk kibete yanında ğisyançılar ut açıp kimendä 9 keşene üterde. Kiçä dä Ğiraqnıñ törle urınnarında bulğan höcümnär näticäsendä 50dän artıq keşe häläq bulğan ide.

Bügen Ğiraqqa aldan iğlan itelmägän säfär belän Quşma Ştatlarnıñ saqlanu ministrı Donald Rumsfeld kilde. Tönyaqtağı Mosul şähärendä ul amerikan xärbiläre belän oçraştı häm Ğiraqnıñ iminlek köçlären öyrätü barışı belän tanıştı. Rumsfeld süzlärençä, bu köçlärne tieşle däräcägä citkerü öçen äle waqıt kiräk bulçaq.

XS
SM
MD
LG