Accessibility links

сишәмбе, 6 декабрь 2016, Казан вакыты 17:15

Tönyaq Koreanıñ atom qoralları tiräsendäge ığı-zığı kiskennäşä bara


Şimbädä Tönyaq Korea mätbuğatı xalıqnı berdämlekkä citäkçe Kim Yong 2nçe yanında cıyılırğa çaqırdı.Mätbuğattağı komantar, AQŞları Pxenyangnıñ atom programması turında ikele söyläşüne kire qaqqannan soñ basılıp çıqtı.Tönyaq Korea atnakiçtä berençe märtäbä atom qoralına iä buluın häm altılı söyläşülärdän çigenüen iğlan itte.

Pxenyang altılı söyläşülär urınına Waşington belän turıdan turı söyläşergä teläwen belderde. Aqyort süzçese

Scott McClellan (audio)

Altı il qatnaşlığındağı söyläşülär mäsäläne tınıç diplomatik yul belän xäl qılu çarası bulıp tora.Bez altılı söyläşülärdä Waşington belän turıdan turı elemtägä kerü mömkinçelege buluın Tönyaq Koreağa bik açıq itep belderdek.

Krizis,AQŞnıñ 2002nçe yılda Pxenyang qorallar öçen uran bayıtuın belderde dip iğlan itüe belän başlanıp kitte.Ütkändä Tönyaq Koreanıñ atom qoralllarına iä buluına işarä itkäne bar. Ämma atnakiçtäge belderü anıñ inde andıy qoral eşläp çığarğanın añlata. AQŞları, Rusiä, Könyaq Korea,Yaponiä Qıtay häm Pxenyang qatnaşqan altılı söyläşülär 2003nçe yılnıñ augustında başlansa da, protses körçekkä terälgän. Tönyaqnıñ sonğı belderüennän soñ Qıtay tışqı eşlär ministırlığı televidiniädä mondıy belderü yasadı

Xabär uquçı(audio)

Qıtay tışqı eşlär ministırlığı süzçese Kong Chuan jurnalistnıñ sorawına bolay dip cawap birde:xökümät altılı söyläşülär däwam itär dip ömed itä.Xökümät Tönyaq Koreanıñ belderüennän anıñ altılı söyläşülärgä qatnaşmayaçağın häm atom qoralları eşläp çığarğanın añladı. Bez täräqiätne küzätep barabız.Qıtay T.Korea atom qoralına iä bulmasqa tieş dip däğwä itä häm anda tınıçlıq wä totrıqlılıq urnaşuın teli. Üzäk xökümät altılı söyläşülär däwam itär dip ömed itä.

Belgeçlär, Pxenyangnıñ atom qoralı barmı bilgele tügel bälkim dä ul iqtibar cälep itergä genä tırışa dip äytä. Krizista aradaşçılıq itergä tırışqan Avstralia premiäre John Howard ta öleşçä safsata, buş süz , atom säläten küpertä dip qarasa da, bu bik qıyın problema anıñ belän bik saqlıqlı eş itergä kiräk dip äytä premyer Howard.Cäncal kiskennäşä barğanda Könyaq Korea mätbuğatında da kisken mäqalälär kürenä. Joong Ang köndälege xökümätne Pxenyagga qarşı nıq torırğa çaqırıp, här törle atom problemaları bezneñ iminlekne kisätä dip yazıp çıqtı färidä xämit
XS
SM
MD
LG