Accessibility links

шимбә, 3 декабрь 2016, Казан вакыты 01:29

Üzäkçelär belän oppozitsiä aralaşuı- çuqraq belän sañğıraw añlaşuın xäterlätä...


Şulay itep “Yedinaya Rossiäneñ” Tatarstan bülege dä Rusiädä alıp barılğan sotsial' reformalarnı yaqlıy. Döres, Mäskäwdäge kebek meñärlägän keşelek uram mitingları, sovet çorındağı cebi “demonstratsiälär” ütkärmi, ütkärüen. Şulayda uzğan yal könnäre, Qazanda, “Yedinoroslar” miting ütkärälär ikän digän xäbärlär taraldı. Läkin miting bulır urın dip farazlanğan Qamal teatrı qarşındağı mäydanda şimbäkönne ber törkem pensionerlar ğına cıyılıp toralar ide inde. Alar- “bez monda “Yedinoroslar”nıñ yözenä qararğa kildek” dip torsalar da, oyıştıruçıları bar ikän-ul, älege dä bayağı kommunistlar firqäse bulıp çıqtı. Oyıştıruçılarnıñ berse, Däwlät Şurası deputatı Näsimä Stolyarova, miting bulaçağı turında işetkäç, qarşı miting oyıştırırğa niätläwläre, läkin röxsät alıp ölgermäwläre, piketqa ğına ölgerüläre turında añlattı. Piket yanına xakimiät häm “Yedinaya Rossiä” wäkilläre kilmäsälär dä, kötmägändä genä, tawış köçäytkeçlär quyılğan mikroavtobusqa töyälep, LDPR wäkilläre kilep töştelär. Avtobustan töşep monetizatsiäne yaqlap awız açuları buldı, äbi-babaylar alarnı. etkäläp törtkäläp kire avtobuslarına kertep, qaytarıp cibärdelär. Piketta başqa intsidentlar bulmadı, şunıñ belän qänäğätlänep taralıştılar. Anıñ qarawı yakşämbe könne ütkärelgän mitingta xalıq ta, küberäk, çığış yasawçılarda şaqtıy cıyılğan ide. Süz uñayınnan şunısın äytik äle. Qarşılıq mitingları, kommunistlar oyıştırğan aktsiälär dip kenä bäyälänsälär dä, mitingqa kilüçelär,älege firka äğzäläre, yä bulmasa elekke zamandağı elekkege kommunistlar ğına tügel şul. Monda monetizatsiä, toraq-kommunal' xucalıq reformaları belän riza bulmağan barça xalıq cıyıla. Xalıq arasında da, çığış yasawçılar arasında da barlıq oppozitsion firqalär häm ictimaği oyışmalar wäkillären kürergä bula. Menä yäkşämbe mitingında da, küptän tügel genä oyışqan Tatarstan ictimaği palatasınıñ wäkile Rif Zarifullin da, milli xäräkätneñ aqsaqalı Zäki Zäynullin da çığış yasadılar. Älbättä mondıy mitinglarda Tatarstan kommunistları lider bula, çönki alarnıñ süzläre köç belän dä nığıtılğan. Alarnıñ Tatarstan Däwlät Şurasında fraksiäläre bar, şunıñ belän xalıq fikeren ütkärü mömkinlekläre bar. Yäkşämbe mitingında Näsimä Stolyarova rezolyutsiä uqır aldınnan mitingta qabul itelgän qararlarnıñ, rezolyutsiälärneñ buş süz bulıp qına qalmawların iskärtte.... Alar başlanğıçında Däwlät Şurasında toraq-kommunal' xucalıq reforması barışın tikşerü öçen komissiä buldırılğan, “Xezmät veteranı” isemen yañadan qaytaru, balalarğa aqçalata yärdämne artıru mäs’älälären xäl itügä kereşkännär. Bu mitingnıñ rezolyutsiäse dä ike öleştän tora. Berençe öleşe minimum- anda tiz arada xäl iteläse häm xäl itelerlek mäs'älälär. Alar taşlamalarnı aqçalata tüläwlärgä alıştıruçı yöz yegerme ikençe sanlı federal' qanunnı ğämäldän çığaru, fatirğa tüläwne yöz protsentqa äyländerüçe xökümät qararın, ğailä keremeneñ 10 protsentınnan artmaslıq itep, üzgärtergä digän mäs'älälär. Yunıs Ätnäle.

XS
SM
MD
LG