Accessibility links

җомга, 9 декабрь 2016, Казан вакыты 22:15

Britaniä tışqı eşlär ministrı Paqstanda atom texnologiälären taratmaw turında söyläşülär ütkärä


Britaniä tışqı eşlär ministrı Jack Straw Paqstannıñ yuğarı räsmiläre belän oçraşıp atom texnologiälären taratmaw, terrorğa qarşı köräş häm Hindstan belän mönäsäbätlär turında söyläşte. Matbuğat oçraşuında Straw Paqstanğa, atom texnologiälären taratuğa bäyle cäncal mäs'äläsendä, nıqlı ışanıçı buluın belderde. Bıltır Paqstan prezidentı Pärwäz Möşärräf İran, Liviä häm Tönyaq Koreağa atom texnologiälären satqan ölkän atom belgeçe Xannı kiçergän ide. Tışqı eşlär ministrı Xurşid Kasuri Paqstan atom texnologiälären taratuğa qarşı çığa, häm härber yaña dälillär uñayınnan Xannan mäğlümät alıp alarnıñ Britaniä belän Quşma Ştatlarğa tapşıraçaq dide. Straw Britaniäneñ Paqstan belän Hindstan arasındağı tınıçlıq protsessında tärräqiät buluın xuplawı turında da äytte. Paqtsanda ul tağın 2 kön bula häm annan soñ Äfğänstanğa häm Hindstanğa bara.

XS
SM
MD
LG