Accessibility links

якшәмбе, 4 декабрь 2016, Казан вакыты 06:58

Gazada İzrail' xärbiläre 15 suğışçınıñ mäyeten fälestinlelärgä tapşırdı


Bu suğışçılar soñğı 2 yılda Gazada İzrail' xärbilärenä häm başqa İzrail' xädäflärenä höcümnär waqıtında üterelgän. Fälestin sälamätlek ministrı Cäwät ät-Tibi monı İzrail' yağınnan keçkenä ämma möhim adım dip bäyäläde. İzrail'neñ Gazadan tulısınça häm Könbatış Yarnıñ ber öleşennän çigenü planında tärräqiät buluı da uñay küreneş dip bäyälänä. İzrail' premyer ministrı Ariel Şaron kiläse atnada xökümätneñ çigenü niätlären räsmi räweştä iğlan itüne sorıyaçağı turında belderde. Fälestin citäkçese Mäxmüt Abbas New York Times gazetına interviewda Şaronnıñ yähüd bistälären küçerü planına xuplaw belderde. Ul şulay uq İzrail' belän suğış İzrail' uzğan atnada Şärm-äş-Şäyxtä ireşelgän kileşüne ütiäçägen beldergännän soñ tämamlanaçaq dide.

XS
SM
MD
LG