Accessibility links

чәршәмбе, 7 декабрь 2016, Казан вакыты 11:38

Äy, sin, Tatarstan pensionerı- birgänneñ bitenä baqmıylar!


Ministrlar Kabinetınıñ sişämbe brifingınıñ berençe öleşe taşlamalarnı aqçalaştıru häm torak kommunal' xucalıq reformasına bağışlandı. Sotsial' yaqlaw ministrı Klavdiä Novikova, tözeleş ministrı Marat Xösnullin Tatarstanda monetizatsiä reformasınıñ barışı belän tanıştırdılar. Klavdiä Novikova älege reformanıñ berençe etabı tämamlandı dip belderde. Taşlamalar iäläre ğinwar ayı öçen aqçalata tüläwlärne alıp betergännär. Toraqqa tüläw öçen subsidiälär taratıla. Marat Xösnullin üz çiratında ğinwar ayına yaña tariflar belän tözelgän isäp xisap käğäzläre fatir xucalarına taratıldı dip belderde. Şulay itep- “Äy, sin Tatarstan pensionerı, nigä yöriseñ qañğırıp, Al da uç tutırıp aqçalaştırılğan taşlamalarıñnı. Subsidiäläreñne bar tülä räxätlänep utqa, suğa, fatirına!”-dip äytäse genä qala kebek tä. Yuq şul, alay ğına ansat qına barmıy şul reformalar. Brifingqa kilgän jurnalistlarnıñ ğına da taşlamaların, subsidiälären ala almıyça yörgän berniçä tanışı bar ikän. Ä Klavdiä Novikovanıñ uñışlı ğämällärne tasvirlauçı sannarında da Tatarstandağı ber yarım million taşlamaçınıñ yartısı ğına diärlek tieşle aqçaların ala alğan bulıp çığa. Şulay az keremlelär öçen ğinwar ayı taşlamaları siksän meñ keşegä taratılğan, ä alar isäptä dürt yöz meñ keşe bulıp tora ikän. Eş närsädä soñ? Klavdiä Novikova añlatuınça taşlamalar, subsidiälär taşlamaçılarğa şäxsi ğarizaları nigezendä genä birelä. Qart-qorığa ber költä dokument kütärep sotsial' yaqlaw oyışmalarına yörü qatlawlı da awır da. Änä. İkegä ikene tapqırlaw kebek añlayışlı ike yöz sumlıq sotsial' biletlar belän dä äle kötelmägän xällär kilep çıqtı. Tatar inform sişämbe xäbärlärendä ğinwar ayında taşlamaçılar öçen çığarılğan biş yöz meñ biletnıñ citmeş altı meñe genä satılğan, şuña kürä fevral' ayında satuğa yöz meñ genä bilet çığarılaçaq dip yazıp çıqtı.

Reformalarnıñ tağın ber çeterekle yağı bar. Barlıq taşlamaları, subsidiäläre belän dä fatirı öçen tüli almawçılar bar. Ğailäläre belän eçügä sabışu. Eşsezlekkä çığu xäzerge zaman öçen tabiği küreneş. Yäş, taza-saw waqıtlarında zur fatirlar alıp, qartayğaç yalğız qalıp. Artıq mäydannarı öçen tüli almawçılar bar. Brifingta, Däwlät toraq waqifınıñ başqaruçı direktorı mondıylar öçen sotsial' yortlar tözelä başladı dip belderde. Yäğni fatirları öçen tüli almawçılar fatirların däwlätkä zakladqa salıp fatir xaqın tüläp yäşi alalar. YÄ bulmasa şul qartlar öçen caylanğan yortlarğa küçä alalar. Yunıs Ätnäle.

XS
SM
MD
LG