Accessibility links

шимбә, 3 декабрь 2016, Казан вакыты 03:35

Livan: Haririneñ üterelüe saylawlar aldınnan qıyın waqıtlar bulaçağına işarä itä


Kiçä Livanda eleke premyer ministr Rafiq Haririnıñ Beyrutta üterelüennän soñ bügen böten ildä 3könlek matäm başlandı.Mäktäp, kibet banklar yabıq, armiä yuğarı äzerlek xälenä quyıldı. Qayber küzätüçelär fikrençä kiçäge şartlaw bälkim dä Livanda 1990 da watandaşlar suğışı tuqtalğannan soñ xökem sörgän çağıştırmaça tınıçlıqnı da parçaladı.AQŞları bombalauda Süriäneñ role bar dip şiklänä häm bälkim dä ul Damasqa qarata BMO sanksiäläreneñ qırıslatıluın sorayaçaq.

Düşämbedä Beyruttağı bombalauda ilne tözekländerergä yardäm itkän keşeneñ üterelüe belän Livanda ber dä kötelmägändä tınıçsızlıq kire qayttı . Yaqın könçığış, Yevropa häm AQŞ citäkçeläre höcümne xökem itte BMOnıñ iminlek şurası Harririnıñ ülemennän soñğı wazğiät turında söyläşü ütkärä. Şura ütkän yılda Livandağı Süriä xärbiläreneñ çığıp kitüen taläp itkän rezolutsiä qabul itkän ide. Harririnıñ üleme öçen cawaplılıqnı üz östenä alğan bilgesez suğışçan törkem anıñ Söğüt Ğäräbstän belän elemtäläre bulğan öçen üterdek dip belderde.Moñı bäysez çığanaqlardan raslaw mömkinlege yuq. Livanda 14meñ çaması ğäskärie torğan Süriä üterü eşendä role buluın kire qağa.Aqyort süzçese Scott McClellan

(audio)

AQŞ terror höcüm öçen cawaplılarnı cazalandıruda nindi çaralar küreläçägen, köç qullanunı, livanlılarnı qurqutunı tuqtatu ,anı çit il okupantlarınnan irekländerü Livannıñ bäysezlegen torğızu öçen töbäktäge illär häm İminlek şurasında mäxslixätläşäçäk.

Beyrutta çığa torğan Daily Star isemle inglizçä köndälekneñ redaktorı Michael Glackin süzlärençä Älbättä Harririnıñ üleme Livan säyäsätendä zur buşlıq xasıyl itte.Çönki ul xalıqara yaxşı tanılğan säyäsätçe, milliarder bularaq xörmät itelgän keşe ide 90nçe yıllarda Harriri ike möddät premyerlegeneñ berençesendä sivil suğış betkännän soñ Livan säyäsätendä zur täsire bulğan Süriä belän xezmätäşlek itkän.Glackin Harriri küptän tügel genä Süriäne ildän çığıp kitergä häm Livan mäsälälärenä tıqşınmasqa çaqırdı di.. Waşingtonda urnaşqan Yaqın Könçığış İnstitutında ölkän analitik Murhaf Jouejati Harririnıñ yuqlığı Livanda kiläse atnalarda kübräk tınıçsızlıqqa säbäp bulaçaq dip qarıy. Ul ildä kienreklek bar xökümät häm opozitsiäneñ retorikası kiskennäşä bara Livannı qıyın könnär kötä dip uylıy.Jouejati kiçäge üterü Harririneñ säyäsi berektäşlärenä genä tügel ä barlıq livanlılarğa küñelsez kündermä bulıp tora digän fikerdä

Jouejati(audio)

Wäkillären Rafik al Harririnı yuğaltuçılar ğına tügel ä barlıq livanlılar qurqırğa tieş dip uylıym.Livanda yäki çittä Livannı totqırsızlandırırğa , wazğiätne tağı da qatmarlandırırğa teläwçelär bar. Livanlılar äle üzlärenä qarşı bulğan wazğiätne küzdä totıp çınlap ta berläşergä tieş.

Haririnıñ üterelüe , politik säxnädän çigenüe kemgä fayda kiterer ide digän sorawğa Joujati Livanda demokratiäne yuq itergä teläwçelär isemlege ozın, Harririge qarşılıq kürsätüçelär,şulayuq Süriäneñ Livanda toruına qarşı buluçılar küp dip söyli analitik . Waşingtonda urnaşqan Xalıqara Tınıçlıq öçen Carnegie Fondında yaqın könçığış belgeçe Nathan Brown süzlärençä, älege waqıtta Livanda Süriäneñ politikağa täsire häm xärbilär totuı säyäsi debatlarda töp mävzu bulıp tora. İminlek Şurasınıñ ğäskärilärne çigenergä çaqıruınnan soñ söyläşülär tağı da qızulandı , bik näzberek debatlar bulsa da alar watandaşlar suğışınıñ başlanuına säbäp bula almıy . Damasknıñ kürşeseneñ säyäsätenä tıqşınuı häm xärbiläreneñ anda toruı 15yıl Livan totrıqlılığına öleş kertte, Harririnıñ ülemennän soñ ul tınıçlıqnı saqlap qala alaçaqmı bilgesez dip söyli Nathan Brown färidä xämit
XS
SM
MD
LG