Accessibility links

дүшәмбе, 5 декабрь 2016, Казан вакыты 01:33

Wäqälätlär büleşü turındağı ikeyaqlı Şartnamägä 11 yıl tuldı


11 yıl eçendä säyäsi wäzğiät tä üzgärde, elekke şartnamä matdäläre dä saqlanmadı. Soñğı yıllarda şartnamä qabul itelgän kön iğtibarğa alınmıy başladı, ä moña qädär gäzitlärdä älege şartnamäne qabul itügä qatnaşqan säyäsätçelär belän äñgämälär bastıra ide. 2005 yılda 15 fevral waqiğaları küpçelek mäğlümat çaralarında iğtibarsız qaldı. Barı ber şähär gäzite yaña şartnamä haman da tözelä almıy, digän xäbär bastırdı. Şuşı könnärdä Qazanğa Angliä lordları kilep, töbäk häm üzäk arasındağı mönäsäbätlär belän qızıqsınıp yöri. Alar Däwlät şurası räise Färit Möxämmätşin belän oçraştı. Parlament räise Federal Üzäk häm Tatarstan arasında tözelgän şartnamäne telgä aldı. Zamanında ul ike yaqlı mönäsäbätne tözügä üz öleşen kertte, dip bilgeläp ütte.

Tatarstannıñ räsmi dokumentları arasında söylängändä Möstäqillek turında deklaratsiä, Konstitutsiäne häm şuşı Şartnamä atala. Belgänegezçä, Konstitutsiä üzgärtelde häm anıñ nigezendä eşlängän ike yaqlı Şartnamäneñ dä, 2005 yılnıñ iyün ayında mötdäte betä.

İnde 1yıldan artıq, Tatarstan häm Rusiä yağınnan tözelgän törkemnär arasında eşlekle söyläşülär bara. İke yaq urtaq ber fikergä kilä almıylar, 1nçe martqa şartnamäneñ ber öleşe äzer bulırğa tieş ide, ämma ul waqıtqa alğa kiteş bulmasqa oşıy, dip xäbär itelä. Elekke şartnamä 9 matdädän tora, alar arasında Tatarstannıñ üzeneñ, ike yaqnıñ da häm Federal Üzäkneñ wäqälätläre añlatılğan. Qayber mäğlümatlarğa qarağanda, yaña Şartnamädä barısı da yañaça bulaçaq. Tatarstan däwlät şurası deputatı Razil Wäliev, şuşı şartnamäne tözü turındağı söyläşülärdä qatnaşa. 15 fevral könne ul bu eşneñ barışı turında küpmeder mäğlümat birde. Razil Wäliev süzlärençä, yaña şartnamä turında mäğlümat çığarılmıy, çönki ber närsä dä tögäl bilgele tügel. 16 fevral’dä Mäskäwdä eşçe törkemeneñ çirattağı oçraşuı bula. Tikşerelä torğan mäsälälär arasında, Tatarstan mäğärif ölkäsendäge wäqälätlären kiñäytergä teli.



Bikä Timerova.

XS
SM
MD
LG