Accessibility links

шимбә, 3 декабрь 2016, Казан вакыты 05:29

Berläşkän Ğiraq İttifağı İbrahim äl-Cäfärine premyer ministr itü turında berençel kileşügä ireşte


Ğiraqtağı saylawlarda ciñep çıqqan Şığıy Berläşkän Ğiraq İttifağı İbrahim äl-Cäfärineñ yaña premyer ministr itep bilgelänüen yaqlaw turında berençek kileşügä ireşte. Jäfäri Berläşkän Ğiraq İttifağına kerüçe ike töp dini partiäneñ bersen, Däwa partiäsen citäkli. İttifaqtağı İslam İnqilabı öçen Yuğarı Şura dip ataluçı ikençe partiä äğzası Cäwad äl-Mäliki Azatlıq radiosına täğayen kileşü aldağı berniçä kön eçendä iğlan iteläçäk dide.

AUDİO: Söyläşülär axırında ike töp namzätneñ bersen saylaw mäs'äläse kilep bastı. Däwa partiäse wäkile äl-Cäfäri yäki Ğiraq İslam İnqilabı öçen Yuğarı Şura wäkile Adel Abdul Mähdine. Cawaplılıq xisen toyıp häm mäs'äläneñ zur ähämiätkä iä buluın istä totıp ike partiä äl-Cäfärine premyer ministr wazıyfasına quyu turında berençel kileşügä ireşte.

Saylawlarda Berläşkkän Ğiraq İttifağı 48 protsent tawış cıydı. Ul aldan kötelgän 60 protsentnı cıyuğa ireşä almasa da premyer ministrnı bilgelärlek köçkä iä bulaçaq. Ğiraqnıñ yaña saylanğan Milli Mäclesendä xökümät oyıştıru öçen öçtän ike küpçelekkä iä bulu zarur.

XS
SM
MD
LG