Accessibility links

пәнҗешәмбе, 8 декабрь 2016, Казан вакыты 10:54

Rusiä Süriägä oçqıçlarğa qarşı raketalar satarğa cıyına


Rusiä saqlanu ministrlığı Süriägä oçqıçlardan saqlanu öçen raketa sistemaların satu turında söyläşülär baruın rasladı. Ministrlıqnıñ bügen iğlan itelgän belderüendä Strelets sistemaların satu turında äytelä. Bu raketalar cilkädän tügel, maşinadan atıla. Rusiä Süriägä cilkädän atıla torğan raketalar satırğa cıyınuı turındağı elekke xäbärlärne qat-qat kire qaqtı. Kiçä İzrail' premyer ministr Ariel Şaron Rusiä prezidentı Vladimir Putin Rusiä Süriägä oçqıçlarğa qarşı raketalar sataçaq dip belderde dide. Qayber raketalar terrorçılar qulına elägergä mömkin dip İzrail' belän AQŞ moña qarşı çığa. Bügen Rusiä saqlanu ministrlığı Süriägä raketalar satu bernindi xalıqara kileşülärne dä bozmıy dide. Putin belän AQŞ prezidentı George Bush kiläse atnada Slovakiädä oçraşu waqıtında cilkädän atıluçı raketalarğa kontrol'ne köçäytü kileşüen imzalarğa cıyına.

XS
SM
MD
LG