İran däwlät televideniese bügen Busher wilayätendä şartlaw buldı dip xäbär itä.
Televidenie ilneñ könyağındağı Daylam port-şähäre yanında, tözelep kilüçe Buşer atom elektr stansiäsennän 180 çaqrım yıraqlıqta şartlaw buluı turında belderde. Televidenie şulay uq İran oçqıçınnan töşkän yağulıq miçkäse şartlağan bulırğa mömkin dide.
Televidenie xäbär itüençä, xakimiätlär belän elemtägä kergän şahitlär başta oçqıçtan atılğan raketa şartlağan dip uylağan bulğan.
Eçke eşlär ministrlığı süzçese Jahab-baxş Xancani Associated Press agentlığına doşman höcüme bulğan dip isäplärgä nigez yuq dide. Anıñ äytüençä şartlaw säbäbeneñ yalğışlıq belän İrannın üz utı bulu mömkinlege bik zur. Ul soñğı könnärdä anda berniçä märtäbä yalğışlıq belän ut açular bulğan dide ämma täfsilleräk mäğlümät birmäde.
