Accessibility links

шимбә, 10 декабрь 2016, Казан вакыты 04:17

Azärbäycan militsiäse häm iminlek köçläre Baqı törmäsendä başlanğan protest çaraların bastırdı


Bügen iminlek köçläre yäş gazı häm su siptergeç qorallar yardämendä bu törmägä kerde. Bik qatı saqlanuçı törmädä kiçä ber yözdän artıq totqın törmä başlığın wazıyfasınnan alu häm şartlarnı yaxşırtu taläbe belän tübägä bärep çıqqan ide. Xäbärlärgä qarağanda törmädän atış tawışları işetelgän häm kitep baruçı aşığıç yardäm maşinaları kürengän. Baqı militsiäse urınbasarı Yäşär Aliev xäbärçelärgä bu operatsiä barışında eçke eşlär ministrlığınıñ berniçä xärbie yaralandı dide. Anıñ äytüençä berniçä totqın üz üzen üterergä mataşqan ämma buldıra almağan. Yustitsiä ministrlığı bu xälne tikşerü öçen komissiä tözelüen iğlan itüçe qısqa qına belderü çığardı.

XS
SM
MD
LG