Accessibility links

якшәмбе, 4 декабрь 2016, Казан вакыты 23:36

«Qazan» milli mädäni üzägendä yanğın buldı


«Qazan» milli mädäni üzägendä yanğın çıqqan. Zıyan kürüçelär yuq. Kiemnär saqlanğan bülmä yanıp kitkän mizgeldä, üzäktä 150-läp keşe bulğan. Bu xaqta Ğädättän tış xällär Ministrlığı matbuğat üzäge xäbär itte. Kiemnär bülmäse plastik belän eşlängän bulğan, şuşı material yanu arqasında Milli mädäni üzäk töten belän tulğan. Yanğın sünderüçelär bar xezmätkärlärne dä uramğa çığarğan, ber kem dä zıyan kürmägän. Yanğın sünderelgän , xäzer, belgeçlär anıñ säbäplären tikşerä. «Qazan» milli mädäni üzägendä barı 8 kvadrat metrlıq cir genä yanğan.

Şul arada Xisap palatası da eşçänlege belän tanıştırdı. Älege oyışma byudjet aqçaların qullanu tärtiben tikşerä. Mäsälän, Xisap palatası NİOKR, Meditsina iminiät fondı häm ekologiä fondlarınıñ eşçänlegen tikşergän. Fänni eşlärne finanslawçı NİOKR fondında 100meñ sum tiräse näticäsez qullanılğan, ä 300meñ simnı tikşerüçelär tieşsez maqsatqa sarıf itelgän dip sanağan. Şuşı aqçalar fänni kitaplar çığaruğa totılğan ikän. Meditsina iminiät fondı 20 million sumnı tieşle maqsatta totmağan. Ekologiä fondı bu yaqtan barısın da uzdırğan, mäsälän, biredä 54 million sum çitkä kitkän, dip isäplänä. Fond citäkçelege Älmättä ike fatir satıp alıp, alarnı eşmäkärlärgä kibet urınına qullanırğa birgän. Aldan bäyge ütkärmiçä genä, Mäskäw şirkätennän «KamAZ» maşinaların satıp alğan. Xisap palatası belgeçleläre tarafınnan tikşerelgän fond citäkçeläre, kollegiä utırışında citeşsezleklärne tözätergä wäğdä itkän. Aqçanı sarıf itkän keşelärgä aqçanı qaytaru häm başqa alay eşlämäskä digän kürsätmälärdän tış, ber nindi caza birelmägän.

Bikä Timerova.

XS
SM
MD
LG