Accessibility links

якшәмбе, 4 декабрь 2016, Казан вакыты 03:05

Respublikanıñ Fän häm mäğärif ministrı Ğosman xäzrät İsxaqi belän oçraştı


16 fevral’ könne Tatarstan Diniä näzaräte räise Ğosman xäzrät İsxaqi respublikanıñ Fän häm Mäğärif ministrı Räis Şäyxleslamov belän oçraştı. Oçraşu Rusiä İslam universitetında uzdı. Anda şulay uq ministrlıq wäkilläre, respublikanıñ din ähelläre, İslam universitetı uqıtuçıları qatnaştı. Dönyawi ministr häm din ähele oçraşuında söz närsä turında barğan, anda nindi mäs’älälär qaralğan. Şuşı sorawlarğa Tatarstan Diniä näzaräteneñ uqıtu bülege citäkçese Rifqät xaci Nasıybullin cawap birä.

Mäğärif tarmağı balalarnı tärbiäläw belän şöğellänä, din dä keşene tärbiäläw, anı döres yulğa bastıru wazifasın başqara. Bezneñ maqsatlar ber – tärbiäle keşe, bigräk tä yäş buınnı üsterü. Şul maqsatlar ber bulunı istä totıp, Räis Şäyxleslamov häm Ğosman İsxaqinıñ söyläşüe buldı. Oçraşuda yäş buınğa äxlaqi tärbiä birü, ana telen uqıtunı kamilläşterü turında söz bardı. Şulay uq, Fän häm Mäğärif ministrlığı ütkärä torğan törle fännär buyınça olimpiadalarda dini uqu yortları şäkertläreneñ dä qatnaşu mömkinlege tikşerelde

Rifqät xaci Nasıybullinnan bez oçraşuda respublika mäktäplärendä din däreslären kertü turında süz barmadımı dip soradıq. Tatarstan Diniä näzaräteneñ uqıtu bülege citäkçese Rifqät xaci Nasıybullin fikerençä, respublikada dini belem birüdä problemalar yuq, alar inde xäl itelgän, dip sanıy. Şuña da Tatarstannıñ Fän häm Mäğärif ministrı Räis Şäyxleslamovnıñ respublikanıñ Diniä näzaräte räise Ğosman xäzrät İsxaqi belän oçraşuında süz bu xaqta bulmağan.

Gölnaz İlgizär

XS
SM
MD
LG