Accessibility links

шимбә, 3 декабрь 2016, Казан вакыты 09:54

Tatar bazarı: Suqır cırçınıñ xäläl aqçası


Qazannıñ Çexov bazarına kem närsä alırğa kilä inde. Kemder, munçağa dip, millek alu mäşäqätendä bulsa, kemgä it, azıq-tölek kiräk. Räxim it, barısı da bar. Teläsäñ, qaynar çäyen dä eçep bula, ixtiacın bulsa, kasset, sd disklar da satıp al, ber rät tözelep kitkännär. Häm xalıq, menä şul köndälek tuar ixtiacların tulılandırırğa dip kilä dä inde. Läkin, bazar da äzer produktsiä genä tügel, ä cır da satıla.

Audio

Bu Qazannıñ Çexov bazarı işek töbendä garmunda uynap –cırlap utıruçı suqır cırçı cırlıy. Bazarğa yörüçelär iğtibar itkännäre bardır, naçarraq kürüçe cırçı ike teldä - rusça häm tatarça cırlar başqara. Älbättä, kemneñ küpme tamızuına qaraptır inde. Anıñ üz bazarı.

R.C. Küptän monda utırasızmı şulay?

Cırçı. Ber öç yıl inde.

R.C. Bolay yäşärgä citäme soñ?

Cırçı. Citä, tartam. Ğailäm zur minem. Dürt balam bar. Xatın da bar. Ul da suqır. Balalarımnıqı kürä. Alar uqıylar äle.

R.C. Elek qayda eşlädegez?

Cırçı. Suqırlar oyışmasında eşlägän idem. Muzıkant bulıp. Xäzer bette, taraldı.

R.C. Xalıq kübräk tatar yäki urıs cırına zakaz biräme?

Cırçı. Xalıq tatar cırın yarata inde. Urıslar da qayçaqta tatar cırların sorıylar başqarırğa. Kübräk xalıq cırların. Läkin urısnıqın da yaratalar.

Älbättä, mondıy uram çatlarında utıruçı cırçılarğa iğtibar itüdän tuyıp kiläbez buğay inde. Şulay da, Qazandağı Çexov bazarı cırçısı ul tatar cırınıñ kürsätkeçe. Nindi teldä cırnı xalıq kübräk tıñlıy, zakaz birä. Cırçı üze tatarça kübräk cırlarğa mäcbür bulam di.

Älbättä, allağa şöker, bügenge köndä, tatar cırı uram çatlarındağı cırçılar tarafınnan ğına işetterelmi. Tatar cırın reklamlaw, ör-yaña sälätlärne dönyağa çığaru buyınça maxsuslaşqan şirkätlär dä eşläp kilä.

Pänceşämbedä, şundıy şirkätlärneñ iñ olısı bulğan, Qazanda Tatar cırın oyıştıruçı Bars-Media şirkäte citäkçeläreneñ matbuğat oçraşuı bulıp uzdı. Oçraşudan soñ, Azatlıqnıñ Qazan studiäsendä, Tatarstannıñ atqazanğan artistı Zahir Şaxban bulıp kitte. Anıñ belän bulğan äñgämädän ber öleş täqdim itäbez.

Zaxir Şaxban. Min kürmäwçe keşelärneñ Qazannıñ törle poçmaqlarında cırlap utırıp aqça eşläw oçraqların bik küp beläm. Läkin çexov bazarındağısın belmim. Alar bazar şartlarına yaraqlaşırğa tieş. Alar aqça eşläwne maqsat itep quyalar. Bu äyber normal' küreneş, miña qalsa, bügenge köndä bigräk tä. Kürmäwçelär öçen ayıruça möhim bulırğa tieş häm bernindi tänqitkä iä bulırğa tieş tügel bu. Çönki alar moxtac keşelär. Min, mäsälän, kürmäwçe keşe bularaq, üzemneñ urınımnı taptım. Estradağa, professional sänğätkä kerep kittem. Dimäk, minem ipigä-tozğa ğına tügel, tormışnıñ başqa maturlıqlarına da cayım bar. Ä alar bit, mäsälän, menä şuşı Çexov bazarında uynap utıruçı keşe, pensiä aqçasına ğına yäşärgä tieş. Bügenge köndä, şuşı ike meñ yarım, berençe gruppa invalid aqçasına ğına yäşäw mömkin tügel ul. Menä miña telefonğa ğına da citmi ul pensiä aqçam.

Alarnıñ repertuarı bik kiñ häm bay bulırğa tieş. Çönki, Tatarstan ul küp millätle däwlät. Monda urıs ta, tatar da, çuaş-mari da yäşi. Alarnıñ repertuarı şul xalıqlarnıñ cırların da üz eçenä alırğa tieş. Äle alar Qazanda bik küp tügel äle. Mäsälän, Mäskäw metrosına teşsäñ, anda alar adım sayın. Alarnı da añlap bula, alar urlamıylar, alar keşeneñ kesäsenä kermilär, üz könnären üzläre kürep, xäläl ipilären tabalar.

Räfis Cämdixan

XS
SM
MD
LG