Accessibility links

якшәмбе, 4 декабрь 2016, Казан вакыты 07:06

Kiev mäxkamäse Krıvorijstal'nı xosusıylaştıru eşen ğämäldän çığara


Ukraina mäxkamäse ildäge iñ zur qorıç zavodı Krıvorijstal'nı xosusıylaştıru eşe qanunsız bulğan digän qarar çığardı. Älege qarar nigezendä bu xosusıylaştıru eşe ğämäldän çığarılırğa mömkin. Kiçä premyer ministrı Yulia Timoşenko sovet çorınnan soñğı meñnärçä xosusıylaştıru eşeneñ tikşereläçäge turında beldergän ide. Kievtağı mäxkamä uzğan yılnıñ avgust ayında Krıvorijstal'nı ul çaqtağı prezident Leonid Kuçmanıñ kiäwe Viktor Pinçukka häm ere eşmäkär Rinat Axmetovqa satu röxsäte birgän elekke qararın ğämäldän çığardı. Tikşerelmägän xäbärlärgä qarağanda AQŞtağı häm Rusiädäge alırğa teläwçelär Krıvorijstal öçen zurraq bäyä täqdim itkän bulğannar. Şimbä könne Timoşenko strategik ähämiätkä iä bulğan Krıvorijstal aldağı atnalarda däwlät qaramağına qaytarılaçaq dip beldergän ide.

XS
SM
MD
LG