Accessibility links

шимбә, 10 декабрь 2016, Казан вакыты 19:28

Kamal teatrı säfäre zur uñış qazana


Ufada Ğäliäsğar Kamal isemendäge Tatar däwlät aqädemiä drama teatrınıñ ğastrol'läre zur uñış belän däwam itä. Başqortstannıñ Urıs däwlät aqädemiä drama teatrı binasında ütüçe tamaşalarğa här könne xalıq küp yöri, zallar şığrım tulı bula. Spektakl tämamlanuğa artistlarnı çäçkälär belän kümälär. Kamallılar Ufada ğına çığış yasap qalmıy, ä qayber rayonnarğa barıp ta teatr sänğäten söyüçelärne quandıra. Bu könnärdä teatrnıñ ayırım törkemnäre Çişmä häm Büzdäk rayonnarında da üz spektäkllären täqdim itä. Teatrnıñ baş rejisserı Färit Bikçäntäyev äytüençä, Kamal teatrınıñ qayber spektäkllären Başqortstan däwlät telewideniese dä üz mädäni fondı öçen wideotasmağa yazıp alırğa bulğan. Bu igelekle eş Kamal teatrı tamaşaların törle rayonnardan kilep qarıy almağannar teläklären isäpkä alıp oyıştırıla. Telewidenie citäkçeläre teatrnıñ zur uñış belän baruçı «Telsez küke», «Xanuma» häm «Yawa qarlar, yawa qarlar» spektäkllären töşerü öçen saylap alğan.

Fänis Fätxi, Ufa

XS
SM
MD
LG