İkençe turda 51 başqaruçı qatnaştı. Rusiäneñ törle töbäklärennän kilgän cır söyüçelär üzläreneñ köçlären sınap qaradılar, üzara yarışıp, tatar cırların başqaruda ostalıqların kürsättelär.
Näticädä yuğarı belemle sänğät belgeçlärennän torğan märtäbäle jyuri 3 turğa 25 cırçı saylap aldı. 2 turda seber yağınnan da qatnaşuçılar buluı turında Azatlıq tıñlawçılarına inde citkergän idek. Yarış bulğaç, yarış inde, 3-nçe turğa Omski, Tomski, Perm häm qayber başqa şähärlärdän kilgän cırçılar ütä almadılar. Şulay da alarnıñ tırışlıqların jyuri iğtibarınnan töşep qalmağan. Jyuri räise tanılğan cırçı Tuqay premiäse iäse Zilä xanım Sönğätullina bu turıda bolay di
Z.S.Kimçeleklär turında äytäsem kilmi, alar bit yıraqta, alarğa bik awır äzerlänergä, tel mä’säläse dä bar. Ämma läkin alar çın küñeldän çığıp bezne söyenderdelär. Äle alarnıñ üzençälekläre dä bar. Qara urmannı da üzençä itep cırlıylar. Läkin küräsez taläplär bik zur, alarğa awırraq buldı, kem äzerlängänräk – şular uzdı.Äle irtägä dä töşep qalaçaqlar. S.M. Başqa yıllarğa qarağanda konkursantlarnıñ äzerlekläre yuğarıraqmı, tübänräkme? Z.S. Konkurs sayın alar qabatlanmıy, nindider yılnı kütärenke bula. Bıyılğı kürsätkeçlär tübänräk dip min sanıym. Monda bik küp mäktäp balaları. Ber yaqtan söyeneç, alar da aktiv qatnaşalar, ikençe yaqtan alar äle peşep citmägän. İlham abıy kebek cırçı bulırlıq, menä şundıy grant-priğa pretendovat itkän keşe kürenmäde. Xäzer anı äytergä dä yaramıy , alda 3-nçe tur , ul närsä kürsäter. Qay waqıtta şulay bula, kemnärder kinät kenä ällä närsälär kürsätälär, talantların tağın da açalarSez Zilä Sönğätullina belän äñgämä tıñladığız.
Saniä Mirxaleeva
