Accessibility links

Rusiä prezidentı Putin İran atom qoralları yasarğa cıyınmıy dip isäpli


Monı ul bügen Mäskäwdä İrannıñ atom söyläşüläre alıp baruçı ölkän wäkile Xäsän Ruxani belän söyläşülär başlağanda äytte.

AUDİO: İran yağınıñ soñğı ğämälläre bezne çınnan da İrannıñ atom qoralı yasarğa cıyınmawına inandıra. Bu isä bezneñ barlıq ölkälärdä, şul isäptän atom energiäse ölkäsendä xezmättäşlekne däwam itäçägebezne añlata. Älbättä, Xörmätle Ruxani äfände, bez İran üz östenä alğan barlıq yöklämälärne tögäl ütär dip ömetlänäbez.

Rusiä İranğa Buşer atom elektr stansiäsen tözergä yardäm itä. Ul bu yıl axırında eşli başlarğa tieş. Könbatış illäre Buşerda qullanılğan atom yağulığı atom qoralı yasaw öçen faydalanılırğa mömkin digän borçılu belderde. Kiläse atnada Mäskäw belän İran Rusiädän kiterelgän atom yağulığın elektr stansiäsendä qullanğannan soñ kire Rusiägä qaytaru turında kileşü imzalarğa cıyına.
XS
SM
MD
LG